November 28, 2024
સમગ્ર દેશમાં કોરોનાની સ્થિતિએ હાહાકાર મચાવ્યો છે ત્યારે આવા સમયમાં પરિસ્થિતિ સંપૂર્ણ પણે બેકાબુ બની ગઈ હતી. કોરોનાની બીજી લહેરને કારણે કેટલાય લોકો મોતને ભેટી ચુક્યા છે અને કેટલાય લોકો પુરતી સારવાર અને નિદાનની અપૂરતી સુવિધાના કારણે લોકો આર્થિક અને માનસિક રીતે ભાંગી પડ્યા છે. ત્યારે ફરી એક વખત કોરોનાના કેસોમાં વધારો થતા ચિંતામાં વધારો થયો છે.
ભારતમાં કોરોના વાયરસનો કહેર ફરી એકવાર વધવા લાગ્યો છે અને નવા કેસોમાં સતત વધારો જોવા મળી રહ્યો છે. કેન્દ્રીય આરોગ્ય મંત્રાલયના તાજેતરના આંકડા અનુસાર, સમગ્ર દેશમાં છેલ્લા 24 કલાકમાં 43 હજાર 263 લોકો કોવિડ -19 થી સંક્રમિત થયા છે અને છેલ્લા 24 કલાકમાં કોરોનાને કારણે 338 લોકોના મોત થયા છે.
છેલ્લા બે દિવસમાં વધી રહ્યા છે કોરોનાના કેસો:
દેશમાં છેલ્લા 2 દિવસમાં કોવિડ -19 ના નવા કેસોમાં ઝડપથી વધારો થયો છે. કેન્દ્રીય આરોગ્ય મંત્રાલય દ્વારા જાહેર કરવામાં આવેલા આંકડા મુજબ, મંગળવારે દેશભરમાં 31 હજાર 222 લોકો કોરોના વાયરસથી સંક્રમિત થયા હતા, જ્યારે બુધવારે દેશભરમાં 37 હજાર 875 નવા કોરોના કેસ નોંધાયા હતા.
Trending News
24 કલાકમાં 40567 લોકો સાજા થયા:
મંત્રાલયના જણાવ્યા અનુસાર, છેલ્લા 24 કલાકમાં 40 હજાર 567 લોકો કોરોના વાયરસથી પણ સાજા થયા છે એટલે કે 2358 સક્રિય કેસ વધ્યા છે. દેશમાં ચેપગ્રસ્ત લોકોની કુલ સંખ્યા વધીને 3 કરોડ 31 લાખ 39 હજાર 981 થઈ ગઈ છે અને 4 લાખ 41 હજાર 749 લોકોએ પોતાનો જીવ ગુમાવ્યો છે. 3 કરોડ 23 લાખ 4 હજાર 618 લોકો સાજા પણ થયા છે અને કોવિડ -19 ના 3 લાખ 93 હજાર 614 સક્રિય કેસ છે.
કેરળમાં 70 ટકા નવા કેસ નોંધાયા છે:
ડેટા અનુસાર, દેશભરમાં 70 ટકાથી વધુ કેસ કેરળમાં નોંધાયા છે. કેરળ આરોગ્ય વિભાગે બુધવારે સાંજે જાહેર કરેલા આંકડા મુજબ, રાજ્યમાં કોવિડ -19 ના 30 હજાર 196 નવા કેસ નોંધાયા છે. આ સાથે, કેરળમાં કોરોના વાયરસથી સંક્રમિતોની કુલ સંખ્યા વધીને 42 લાખ 83 હજાર 494 થઈ ગઈ છે, જ્યારે 181 વધુ દર્દીઓના મૃત્યુ બાદ મૃત્યુઆંક 22,001 પર પહોંચી ગયો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.