વાપી લવજેહાદમાં મોટો ખુલાસો: વિધર્મી યુવકે સુહાગરાતનાં દિવસે જ…

ગુજરાતમાં લવ જેહાદનો કાયદો અમલમાં આવ્યા બાદ સૌ પ્રથમ વડોદરામાં ગુનો નોંધાયો હતો અને બીજો ગુનો વલસાડ જિલ્લાના વાપીમાં નોંધાયો હતો. વાપીમાં રહેતો ઇમરાન વશી અંસારી નામના એક પરણીત યુવકે એક જૈન સમાજની યુવતીને પોતાની પ્રેમજાળમાં ફસાવી હતી.

ત્યારબાદ તેનું અપહરણ કરીને ફરાર થઇ ગયો હતો. આરોપી ઇમરાન અંસારી જૈન યુવતીને અજમેર અને ઇન્દોર લઇ ગયો હતો અને બળજબરીથી યુવતી પર દુષ્કર્મ આચર્યો હતો.  ત્યારબાદ બળજબરીથી ધર્મ પરિવર્તન કરાવી નિકાહ કરવાનો પ્રયાસો કર્યો હતો.

પોલીસે મોબાઇલ લોકેશનનાં આધારે મધ્યપ્રદેશનાં ઇન્દોરથી યુવકની ધડપકડ કરવામાં આવી હતી. પોલીસને મુસ્લિમ યુવકે જણાવ્યુ હતું કે, પ્રથમ પત્નીને સુહાગરાતના દિવસે જ જૈન યુવતી અંગેની વાત કરી હતી. જયારે પહેલી પત્નીને જાણ હોવા છતાં મુસ્લિમ યુવક જૈન યુવતીને લગ્ન કરાવવા ભગાડી ગયો હતો.

આ હરકતમાં પત્નિની પણ સંમતિ હોવાનું પોલીસ માની રહી છે. એટલું જ નહી આ બંને પાસે એવું સોફ્ટવેર હતું કે, બંને વાતચીત કરે તેની જાણ પરિવારને ન થાય. આ જ સોફ્ટવેરમાં ચેટિંગથી ભાગવાના પ્લાનની વાતચીત થઇ હતી.