ગુજરાત શિક્ષણ વિભાગનું નાક કપાયું- 0 ટકા પરિણામ ધરાવતી શાળાઓમાં ત્રણ ગણો વધારો

ગુજરાત બોર્ડનું ધોરન 10ની પરીક્ષાનું આજે 60.64 ટકા પરિણામ જાહેર થયું છે. ગત વર્ષ કરતા 6.33 ટકા પરિણામ ઓછું આવ્યું છે. આ વખત ના પરિણામમાં સુરત સેન્ટરનું ફરી એકવાર સૌથી ઉંચુ 74.66 ટકા પરિણામ આવ્યું છે. જ્યારે દાહોદ જિલ્લાનું સૌથી નીચું 47.47 ટકા પરિણામ આવ્યું છે.

પરીક્ષાર્થીઓની વાત કરીએ તો સમગ્ર રાજ્યમાંથી 10.83 લાખ વિદ્યાર્થીઓ પરીક્ષા માટે રજીસ્ટર્ડ હતાં. જેમાં સૌથી વધુ અમદાવાદમાંથી 1 લાખ જેટલા, જ્યારે બીજા નંબરે સુરતમાંથી 79 હજાર જેટલા વિદ્યાર્થીઓએ પરીક્ષા માટે ફોર્મ ભર્યા હતાં.

ગ્રેડ	2019	2020
A1	4974	1671
A2	32375	23754
B1	70677	58128
B2	129629	105971
C1	187607	159108
C2	119452	118230
D	6288	13977
E1*	21	6

ચાલું વર્ષે 100 ટકા પરિણામ ધરાવતી 291 શાળાનો સમાવેશ થાય છે, જ્યારે 174 શાળાનું પરિણામ 0 ટકા આવ્યું છે. ગયા વર્ષે 100 ટકા પરિણામ ધરાવતી 366 શાળા નોંધાઈ હતી, જ્યારે 63 શાળાનું પરિણામ 0 ટકા આવ્યું હતું. આમ આ વર્ષે પરિણામની વાત કરીએ તો ગુજરાતના શિક્ષણ વિભાગનું નાક કપાયું છે. આ વર્ષે રાજ્યમાં 1839 શાળાનું પરિણામ 30 ટકાથી ઓછું આવ્યું છે જે ગયા વર્ષે માત્ર 995 હતી.