ગણતંત્ર દિવસે દીકરીનું સમ્માન થાય એનાંથી મોટી વાત શું હોય! ભરૂચની વિદ્યાર્થિનીએ હાંસલ કરી અનોખી સિદ્ધી

સોશિયલ મીડિયા પર અનેકવિધ રેકોર્ડ હાંસલ કર્યાંની જાણકારીઓ સામે આવતી હોય છે ત્યારે હાલમાં પણ આવી જ એક જાણકારી રાજ્યમાં આવેલ ભરૂચ જીલ્લામાંથી સામે આવી છે. કોરોનાકાળમાં મહિનાઓ સુધી શાળા-કોલેજો બંધ રહેવાને લીધે શૈક્ષણિક વર્ષ 2020-21માં નિયમિત હાજરી આપનાર વિદ્યાર્થીઓનું શાળાઓ દ્વારા સન્માન કરવામાં આવે છે.

શાળાઓ બંધ હોવાને કારણે આ વર્ષની જગ્યાએ કેજીથી લઈને ધોરણ 12 સુધીમાં 100% હાજર રહેનાર વિદ્યાર્થીનીનું ભરૂચની એમિટી શાળા દ્વારા પ્રજાસત્તાક દિન નિમિત્તે સન્માન કરવામાં આવશે. સંજોગો વસાત એમિટી શાળામાં જ એક સમયે અભ્યાસ કરતી વિદ્યાર્થીની જે હાલમાં એ જ શાળામાં શિક્ષિકા તરીકે ફરજ બજાવી રહી છે.

તેણીને પણ સતત 14 વર્ષ સુધી 100% હાજરી આપવા બદલ શાળા દ્વારા સન્માનિત કરવામાં આવી હતી. એક દીકરીનું સમ્માન કરવાં બદલ આ એક ખુબ ગર્વની વાત કહેવાય. 26 જાન્યુઆરીનાં દિવસે એક દીકરીનું સમ્માન થતું હોય આનાથી મોટી વાત શું હોય!

વિદ્યાર્થીનીનું સન્માન કરવામાં આવશે
72માં પ્રજાસત્તાક દિન નિમિત્તે કેજીથી લઈને ધોરણ 12 સુધી 100% હાજર વિદ્યાર્થીની ધ્વનિ બિરેન જાદવને શાળાની શિક્ષિકા જ્યોતિબેન વણકરના હસ્તે સન્માન કરવામાં આવશે. વિદ્યાર્થીઓ શાળામાં કાયમ હાજર રહે તો શૈક્ષણિક કાર્યમાં આગળ પડતા થાય છે.