સુધીરે કહ્યું, આપણે ઉપાધી કરતા જ નહી, બે ધારાસભ્ય ભાજપના લઇ શકીએ તેમ છીએ- ઓડિયો કલીપ વાયરલ

ગુજરાત(Gujarat): વિધાનસભા ચૂંટણી-2022 પૂર્ણ થઈ ગઈ છે અને 8મી ડિસેમ્બરના રોજ પરિણામો પણ જાહેર થઈ ચૂક્યાં છે. આ પરિણામોમાં ત્રીજા પક્ષ તરીકે ઊભરી આવેલી AAPના 5 ઉમેદવારોની જીત થઈ છે. મહત્વનું છે કે, જેમાં સૌથી વધારે ચર્ચા યુવા ઉમેદવાર અને ગારિયાધાર(Gariyadhar) બેઠક પરથી 6 ટર્મથી જીતી રહેલા કેશુ નાકરાણી(Keshu Nakrani)ને 4,819 મતથી હરાવનારા સુધીર વાઘાણી(Sudhir Vaghani)ની ચાલી રહી છે. ત્યારે હાલમાં સોશિયલ મીડિયા પર સુધીર વાઘાણીની ઓડિયો કલીપ વાયરલ(Audio clip viral) થઇ રહી છે, જેની પુષ્ટિ ત્રિશુલ ન્યુઝ કરતું નથી.

જાણો શું વાતચીત થઇ રહી છે વાયરલ ઓડિયો કલીપમાં:
સોશિયલ મીડિયામાં વાયરલ થઇ રહેલી ઓડિયો કલીપમાં કોઈ વ્યક્તિ સુધીર વાઘાણીને ફોન કરે છે અને કહે છે કે, કોણ બોલો, સુધીરભાઈ બોલે? હા સુધીરભાઈ બોલું, મીડિયામાં આવે છે કે, ભાજપમાં જોડાવવાની વાત સાચી છે? ત્યારે સુધીર વાઘાણી કહે છે કે, મીડિયા વાળા કહે છે? મતદાર કહે છે કે, તમારું આવે છે ખરું, સુધીર વાઘાણી કહે છે કે, એ બધું ખોટું છે. ખોટું કેમ બોલતા હશે? મતદાર કહે છે, ભૂપત ભાયાણીને તમારા બધાના નામ આવે છે.

સુધીર વાઘાણી કહે છે, ભૂપત ભાયાણીની આપણને ન ખબર હોય પણ આપણે નથી જોડાવવાના. મતદાર કહે છે, અમે ભાણવડીયાથી બોલીએ છીએ. આપણે ઉપાધી કરતા જ નહી, આપણે બે ધારાસભ્ય ભાજપના ખરીદી શકીએ છીએ. બિલકુલ ટેન્શન નહી, મેં મારી જિંદગીમાં એક માણસ સાથે વિશ્વાસઘાત નથી કર્યો, તમે તો 60 હજાર લોકોએ મત આપ્યા છે, આ નો થાય.