કટ્ટરપંથી તાલીબાન બન્યું બેફામ: ધોળા દિવસે યુવકને ગોળીથી વીંધીને કર્યો ઠાર- જુઓ દર્દનાક વિડીયો

અફઘાનિસ્તાન(Afghanistan)માંથી અમેરિકન અને વિદેશી દળોના ગયા પછી પરિસ્થિતિ વધુ ખરાબ થઈ રહી છે. તાલિબાનોએ આખા દેશ પર કબજો કરી લીધો છે અને અહીંના નાગરિકોના ખરાબ દિવસો શરૂ થઈ ગયા છે. જ્યારથી તાલિબાને સત્તા સંભાળી છે, દેશની સ્થિતિ એટલી ખરાબ થઈ ગઈ છે કે લોકોને તેમની દીકરીઓ વેચવા માટે મજબૂર કરવામાં આવી રહી છે.

ત્યારે હવે તાલિબાન(Taliban)ના લડવૈયાઓએ એક યુવાનને તેના ઘરમાંથી બહાર કાઢીને દિન દહાડે રસ્તા પર ગોળીઓથી વીંધીને મોતને ઘાટ ઉતાર્યો હતો. અફઘાનિસ્તાન(Afghanistan)ના ન્યૂઝ પોર્ટલ અનુસાર તાલિબાનીઓનો આરોપ છે કે, આ યુવક પંજશીર(Panjshir)ના નોર્દન એલાયન્સની સેના સાથે જોડાયેલો હતો. જો કે, મૃતકનો અન્ય સાથી તાલિબાનીઓને પોતાનું આઈડી કાર્ડ બતાવતો રહ્યો હતો, પરંતુ તાલિબાનીઓ સહમત ન થયા અને તાલિબાનોએ તેને રસ્તા વચ્ચે જ ગોળી મારીને ઠાર કરી દીધો.

It’s business as usual from @JoeBiden’s Taliban “professionals” going house to house arresting and killing people in Panjshir,..the caliphate continues its reign of terror as more blood is spilled on the 20th anniversary of 9/11?pic.twitter.com/4amNEFFnGD

— DrConservaMom???? (@ConservaMomUSA) September 11, 2021

અફઘાનિસ્તાનમાં હિંસાના બળ પર કબજો જમાવનાર આતંકવાદી સંગઠન તાલિબાન દુનિયા સમક્ષ પોતાની છબી સાફ કરવાનો પ્રયાસ કરી રહ્યું છે, પરંતુ આ તસવીર સામે આવી હતી. કટ્ટરપંથી ઇસ્લામિક સંગઠન તાલિબાને બુધવારે કાબુલમાં મહિલાઓના વિરોધને આવરી લેતા પત્રકારો પર આ જુલમ કર્યો હતો. તાલિબાને તેને કસ્ટડીમાં લીધો અને તેને ખરાબ રીતે માર્યો અને લોહીલુહાણ કરી દીધો હતો. આ પત્રકારો ચાલી પણ શકતા નથી.