એક યુવતીના પ્રેમમાં બે પાગલ પ્રેમી: ટાબરિયાઓ વચ્ચે ખેલાયો ખૂની ખેલ, 16 વર્ષના કિશોરની હત્યા અને…

પહેલા તો મોટા યુવકો એક બીજાની હત્યા કરતા હોવાના કિસ્સાઓ સામે આવતા હતા પરંતુ હવે તો ટાબરિયાઓ પણ હત્યા કરતા હોય તેવો એક કિસ્સો સામે આવ્યો છે. જાણવા મળ્યું છે કે, હાલોલ તાલુકાના તલાવડીમાં એક જ યુવતી સાથેના પ્રેમ પ્રકરણમાં બે પ્રેમીઓ વચ્ચેની હરિફાઇ લોહીયાળ બની હતી.

બંને વચ્ચે ચાલી રહેલી માથાકૂટમાં વચ્ચે પડેલા 16 વર્ષના કિશોરની હત્યા કરવામાં આવી હતી. આ યુવાનને ગંભીર ઈજા પહોચતા હાલોલ ખાનગી હોસ્પીટલમાં ખસેડવામાં આવ્યો છે. આ બનાવમાં પાવાગઢ હત્યા અને એટ્રોસિટી સહિતની કલમો અંતર્ગત ગુનો નોંધી આરોપીની શોધખોળ શરુ કરવામાં આવી હતી.

મળતી માહિતી મુજબ,ઘાટા ગામમાં રહેતા મહેશ સોમાભાઇ રાઠવા મોબાઇલ પર અમરાપુર ગામના સંજય કંચન પરમારનો ફોન આવ્યો હતો. હું તારા ગામમાં આવું છું અને આપણે રૂબરૂ મળીએ. તેથી બપોરે સંજય અને જયદેવ વિઠ્ઠલપરમાર બાઈક લઈને આવ્યા હતા. ત્યારબાદ ત્રણેય બાઇકો પર તલાવડીના સ્મશાન નજીક જંગલમાં ગયા હતા.

બાદમાં જયદેવે મહેશને કહ્યું કે, હિતેન્દ્રને ફોન કરી બોલાવો તેનું કામ છે, તેમ કહેતા મહેશે હિતેન્દ્રને ફોન કર્યો હતો. જેથી હિતેન્દ્ર તેના મિત્ર દશરથને સાથે લઇને જંગલમાં આવી પહોંચ્યો હતો. થોડા સમય આ પાંચેય મિત્રોએ વાતચીત કરી હતી. આ દરમિયાન જયદેવ હિતેન્દ્રને થોડું દુર લઈ ગયો હતો. ત્યારે જયદેવે સાથે લાવેલા ખંજર વડે હિતેન્દ્ર પર હુમલો કર્યો હતો.