માત્ર ત્રણ સેકન્ડમાં 8.50 લાખ લુંટી જનાર કેસમાં સુરત ક્રાઈમ બ્રાંચને મળી મોટી સફળતા, ત્રણ પૈકી એકની કરી ધરપકડ

હાલમાં હોળીનો તહેવાર નજીક આવી રહ્યો છે ત્યારે રાજ્યના સુરત શહેરમાં લુંટફાટની ઘટનામાં સતત વધારો થવાં જઈ રહ્યો છે. થોડા દિવસ પહેલાં જ શહેરના સિંગણપોર પોલીસની હદ વિસ્તારમાં આવેલ આવેલ કતારગામ વિસ્તારમાં આવેલ હાથી મંદિર નજીક લુંટનો બનાવ સામે આવ્યો હતો. કતારગામ હાથી મંદિર રોડ પર 8.50 લાખ રૂપિયાની ચીલ ઝડપે લુંટ થઈ હોવાની ઘટના સામે આવી હતી.

આ સમગ્ર ઘટના CCTV માં કેદ થઈ હતી. આ ઘટનાનાં CCTV ફૂટેજ પણ સામે આવ્યા હતાં જેમાં 3 લુંટારાઓ ખુલ્લેઆમ પૈસા ભરેલું પેકેટ આંચકી જઈ ભાગતા જોવા મળ્યા હતાં. લુંટ થયાની જાણ થતાંની સાથે જ સિંગણપોર પોલીસ તથા ક્રાઇમ બ્રાન્ચને જાણ કરી દેવામાં આવી હતી.

જેને કારણે પોલીસની ટીમ ઘટનાસ્થળ પર પહોંચી ગઈ હતી તેમજ આગળની તપાસ શરુ કરી દેવામાં આવી હતી. ગઈકાલે હોળી-ધૂળેટીનો તહેવાર નજીક આવ્યો છે ત્યારે પોલીસના સઘન પેટ્રોલિંગ ન થઇ રહ્યું હોવાને લઈને પોલીસની કામગીરી પર પ્રશ્નો ઉઠ્યા છે.

હાલમાં આ કેસમાં સુરત ક્રાઈમ બ્રાંચને સફળતા મળી છે. આ ચોરીને અંજામ આપનાર 3 ઈસમો પૈકી 1 ની ધરપકડ કરી લેવામાં આવી છે. આ ઈસમની ધરપકડ શહેરમાં આવેલ મોટા વરાછા વિસ્તારના લેક ગાર્ડન પાસથી ઝડપી લેવામાં આવ્યો હતો. આ ઇસમની ઓળખ 20 વર્ષીય કિશાન ઉર્ફે કાલુ તરીકે થઈ છે.