ભાજપનો ચોકીદાર દારૂના જંગી જથ્થા સાથે ઝડપાયો- કોરોના રીપોર્ટ આવ્યો પોઝીટીવ

સમગ્ર રાજ્યમાં દારૂબંધી હોવાં છતાં ઘણીવાર બુટલેગરો દારૂના જંગી જથ્થા સાથે પોલીસના હાથમાં આવી જતાં હોય છે. લાખો રૂપિયાનો દારુ ચોરીછુપે ઘુસાડતા હોય છે. હાલમાં પણ આવા જ એક સમાચાર સામે આવ્યા છે. ભરૂચ લોકલ ક્રાઇમ બ્રાન્ચ દ્વારા સ્ટેશન રોડ પર આવેલ ઠાકોર રેસ્ટોરન્ટની પાછળની બાજુ દરોડા પાડવામાં આવ્યો હતો.

જેમાં વિદેશી દારૂની સાથે 55,000 રૂપિયાના મુદ્દામાલ સહિત બુટલેગરને પકડી પાડવામાં આવ્યો હતો. આની સાથે જ નવાઈની વાત તો એ છે કે, કોરોનાકાળ હોવાથી બુટલેગરોનો ટેસ્ટ કરાવતા રિપોર્ટ પોઝિટિવ આવ્યો હતો. ભરૂચ જિલ્લા પોલીસ દ્વારા તહેવારોને લઈ દારૂ-જુગારની સ્પેશિયલ ડ્રાઇવ ચલાવવામાં આવી હતી.

આની સાથે જ ભરૂચ LCB ટીમને મળેલ બાતમીને આધારે સ્ટેશન રોડ પરની ઠાકોર રેસ્ટોરન્ટની પાછળની ગલીમાંથી વિદેશી દારૂના જથ્થાની સાથે પ્રતીક બિપીનચંદ્ર કાયસ્થની ધરપકડ કરવામાં આવી હતી. બુટલેગરની પાસેથી કુલ 55,000 રૂપિયાનો મુદ્દામાલ કબજે કરવામાં આવ્યો હતો.