આઠ મહિનાની ગર્ભવતી મહિલાએ સાસરિયાના ત્રાસથી કંટાળી ટુકાવ્યું જીવન- 5 મહિના પહેલા પહેલી પત્નીએ…

રાજસ્થાન: અલવર જિલ્લાના NEB ના વિજય નગરમાં 8 મહિનાની ગર્ભવતી મહિલાએ ફાંસી લગાવી લીધી હતી. મહિલાના લગ્ન માત્ર 9 મહિના પહેલા થયા હતા. ઉત્તર પ્રદેશના ઝાંસીથી આવેલા પિયર પક્ષે પતિ અને પરિવાર વિરુદ્ધ દહેજ માટે મારપીટ અને હત્યાનો કેસ દાખલ કર્યો છે. પોલીસે પોસ્ટમોર્ટમ બાદ મૃતદેહ પરિવારને સોંપ્યો હતો. આ ઘટના 6 સપ્ટેમ્બરના રોજ મોડી સાંજે બની હતી. 7 સપ્ટેમ્બરે, પરિવારે જાણ કરી હતી કે, સાસરિયાઓ તેમની પુત્રીને પૈસા માટે પરેશાન કરતા હતા અને હવે તેની હત્યા કરી નાખી હતી.

પોલીસે જણાવ્યું હતું કે, ભારતી જાંગીડના લગ્ન 30 નવેમ્બર 2020 ના રોજ NEB ના વિજય નગર નિવાસી નરેશ જાંગિડ સાથે થયા હતા. ભારતી 8 મહિનાની ગર્ભવતી હતી. પરિવારએ જાણ કરી હતી કે, તેનો પતિ અને પરિવાર રોજ ભારતીને માર મારતો હતો. સાસરિયાઓ 10 લાખ રૂપિયાની માંગણી કરતા હતા. યુવાન નરેશના પ્રથમ લગ્ન અલવર રાજગઢમાં થયા હતા. તેણી પહેલાથી જ છૂટાછેડા લઈ ચૂકી છે. આ બીજા લગ્ન હતા. લગ્નના 9 મહિના બાદ બીજી પત્નીએ ફાંસી લગાવી હતી.

સાસરિયા પક્ષના જણાવ્યા અનુસાર, પતિ-પત્ની વચ્ચે થોડો ઝઘડો થયો હતો, પણ દહેજ જેવી કોઈ વાત નથી. પુત્રવધૂની આત્મહત્યાથી તે પણ આઘાતમાં છે. પતિ નરેશના પહેલા લગ્ન રાજગઢમાં થયા હતા. પ્રથમ પત્નીએ તેને માત્ર 5 મહિનામાં છોડી દીધો હતો. તેણે મારપીટની ફરિયાદ પણ કરી હતી. નરેશ લોકડાઉન પહેલા એક ખાનગી કંપનીમાં કામ કરતો હતો.

પોલીસે જણાવ્યું હતું કે, મહિલાએ સોમવારે મોડી સાંજે ઘરના રૂમમાં ફાંસી લગાવી લીધી હતી. ત્યારબાદ પોલીસ ઘટનાસ્થળે પહોંચી હતી. મૃતદેહ હોસ્પિટલમાં રાખવામાં આવ્યો હતો. હવે પેહર બાજુના લોકો સવારે આવ્યા હતા. તેણે દહેજ માટે પરેશાન કરવા અને મારપીટ કરવા બદલ સાસરિયાઓ સામે કેસ દાખલ કર્યો છે.