સરકારી તંત્ર અને બિલ્ડરની મિલીભગત? સુરતમાં 20 વર્ષીય જૂની સોસાયટીનો રસ્તો અચાનક જ થઇ ગયો ગેરકાયદેસર

સુરત(Surat): શહેરમાં ગેરકાયદેસર(Illegal) રીતે સોસાયટી પર દબાણ કરવાનો કિસ્સો સામે આવ્યો છે. જેને લઈને સ્થાનિક લોકોમાં વિરોધ જોવા મળી રહ્યો છે. ગેરકાયદેસર રીતે સોસાયટી પર દબાણ કરવામાં આવતા સોસાયટીના રહીશો લડી લેવાના મુડમાં હોય તેવું દેખાઈ રહ્યું છે.

મળતી માહિતી અનુસાર, સુરત શહેરના સરથાણા-જકાતનાકા(Sarthana-Jakatnaka) વિસ્તારમાં આવેલ સારથી રો-હાઉસ(Sarthi Row-house) ઉપર ગેરકાયદેસર રીતે દબાણ કરવામાં આવી રહ્યું હોય તેવા સમાચાર સામે આવી રહ્યા છે. જેને લઈને સોસાયટીના રહીશો અને સ્થાનિક લોકોમાં ભારે રોષનો માહોલ જોવા મળી રહ્યો છે. સાથે સાથે સોસાયટીના રહીશો અને સ્થાનિક લોકોએ કહ્યું છે કે, શાંતમ કોમ્પલેક્ષ દ્વારા સારથી રો-હાઉસ ઉપર દબાણ કરવામાં આવી રહ્યું છે.

અત્રે ઉલ્લેખનીય છે કે, 20 વર્ષ કરતા જૂની સોસાયટીનો રસ્તો અચાનક જ ગેરકાયદેસર થઇ જતા સોસાયટીના લોકો પણ રોષે ભરાયા છે. મળતી માહિતી અનુસાર, સારથી રો-હાઉસનો રસ્તો 20 વર્ષ કરતા જુનો છે અને હાલમાં આ રસ્તો ગેરકાયદેસર હોય તેવું શાંતમ કોમ્પલેક્ષના બિલ્ડર દ્વારા કહેવામાં આવ્યું છે.