હવામાન વિભાગે આગામી પાંચ દિવસ ભારે વરસાદની કરી આગાહી, વાવાઝોડા અને કરા પડવાની શક્યતા

હાલ વાતાવરણ જોતા લાગી રહ્યું છે કે રાજ્યમાંથી શિયાળાએ વિદાય લઇ લીધી છે. અને હાલ થોડી-થોડી ગરમીની શરૂઆત પણ થઈ ચૂકી છે, પરંતુ ફરી એક વખત કમોસમી વરસાદની આગાહીથી ખેડૂતોના જીવ તાળવે ચોંટી ગયા છે.  ગુજરાતના રાજ્યમાં વધુ એક વખત કમોસમી વરસાદની હવામાન વિભાગે આગાહી કરી છે. ભારતીય હવામાન વિભાગે આગામી પાંચ દિવસને લઈ અનેક ક્ષેત્રો માટે ચેતવણી જાહેર કરી છે. અધિક મુખ્ય સચિવ, મહેસુલ, પંકજ કુમારે કહ્યું કે, 6 જૂનની આસપાસ કેરળ તટથી ચોમાસુ પ્રવેશ કરશે. જૂનના બીજા કે ત્રીજા સપ્તાહમાં ગુજરાતમાં ચોમાસાની શરૂઆત થવાની શક્યતા છે. આ વર્ષે ચોમાસુ સામાન્ય રહે તેવી શક્યતા છે.

વાવાઝોડા સાથે પવન ફુંકાશે

પાંચ દિવસના બુલેટિનમાં જમ્મુ કાશ્મીર, લદ્દાખ, ગિલગિટ બાલ્ટીસ્તાન, હિમાચલ પ્રદેશના અલગ-અલગ સ્થળે ભારે વરસાદ સાથે બરફ પડવાની સંભાવના વ્યક્ત કરવામાં આવી છે.આ સાથે જ પંજાબ, હરિયાણા, ચંદીગઢ અને ઓડિશાના વિભિન્ન ક્ષેત્રોમાં પણ ભારે વરસાદની શક્યતા છે. અહેવાલ પ્રમાણે ઓડિશા, ઉત્તરાખંડ અને ગંગીય પશ્ચિમ બંગાળના ક્ષેત્રોમાં હવામાન ખૂબ ખરાબ રહેશે અને તે સૃથળોએ 45થી 55 કિમી પ્રતિ કલાકની ઝડપે વાવાઝોડા સાથે પવન ફુંકાશે.