May 22, 2024
ચોરી(theft)ની વધતી જતી ઘટનાઓમાં વધુ એક ઘટના મધ્ય પ્રદેશ (Madhya Pradesh)માંથી સામે આવી છે. અહિ, દેવાસ પોલીસે એક ટોળકીનો પર્દાફાશ કર્યો છે, જે રસ્તા પર ફિલ્મી સ્ટાઈલ (Film style)માં ટ્રક (Truck)માંથી કાપીને માલસામાનની ચોરી કરતી હતી. આ ગેંગ કંજરની છે. ત્યારે માત્ર એક બદમાશ પોલીસના હાથે ઝડપાયો, અન્ય બે સાથી નાસી છૂટ્યા હતા. ટ્રકમાં કટિંગ કરતી વખતે આ બદમાશ પોલીસના હાથે ચઢી ગયો હતો.
View this post on Instagram
મળતી માહિતી અનુસાર, દેવાસમાંથી પસાર થતી ટ્રકોમાં લાંબા સમયથી માલસામાન ગાયબ થઈ રહ્યો હતો. ચાલતી ટ્રકને કાપીને તેમાંથી સામાન કાઢવામાં આવી રહ્યો હતો. જેથી પોલીસને આ ચોર ટોળકીની તલાશ હતી. આખરે પોલીસે ટોળકીનો એક લુચ્ચો ચોર પકડ્યો. આ ચોર દોરા લઈને જઈ રહેલા ટ્રકને કાપી રહ્યો હતો. 20 લાખનો માલસામાન ભરીને આ ટ્રક ગુજરાતથી કાઠમંડુ જઈ રહી હતી. પકડાયેલ બદમાશ રવિ કંજર છે, તેની સામે ઉજ્જૈન, ઈન્દોર, શાજાપુર, દેવાસમાં વિવિધ કલમોમાં કેસ નોંધાયેલ છે.
ફિલ્મી શૈલીમાં ટ્રક કટીંગ:
દેવાસ જિલ્લો એવો વિસ્તાર છે કે જ્યાં ચોર ફિલ્મી સ્ટાઈલમાં ટ્રકમાં ઘૂસી જાય છે અને તેને કાપી નાખે છે અને પછી સામાનની ચોરી કરે છે. અહીની કંજર ગેંગ ટ્રકો પણ ગાયબ કરી દે છે. આગ્રા-મુંબઈ હાઈવે પર કંજર રાત્રિના અંધારામાં આ ગુનાને અંજામ આપે છે. તેથી જ્યારે પોલીસને ફરીથી આ અંગેની માહિતી મળી તો તેઓ વિલંબ કર્યા વિના ઘટનાસ્થળે પહોંચી ગયા. પોલીસે રાત્રે દરોડો પાડ્યો ત્યારે એક ચોર રંગે હાથ ઝડપાયો હતો.
આ ટ્રક દોરા લઈને કાઠમંડુ જઈ રહી હતી:
ટ્રક કટિંગ અટકાવવા દેવાસ પોલીસ દ્વારા ખાસ ટીમ બનાવવામાં આવી છે. તે તેના માટે સતત પેટ્રોલિંગ કરી રહ્યા હતા. પોલીસે ગઈકાલે રાત્રે બીનેપી પોલીસ સ્ટેશન વિસ્તાર હેઠળ ટ્રક કાપતા એક બદમાશને રંગે હાથે પકડી લીધો હતો. પોલીસને જોઈને બદમાશના બે સાથી નાસી છૂટ્યા હતા. બદમાશોએ ગુજરાતથી દોરા લઈને કાઠમંડુ જઈ રહેલી ટ્રકને નિશાન બનાવ્યો હતો. પકડાયેલા આરોપી રવિ કંજર પાસેથી પોલીસ તેની ગેંગને શોધી રહી છે. રવિ વિરુદ્ધ ઉજ્જૈન, ઈન્દોર, શાજાપુર અને દેવાસ જિલ્લામાં અલગ-અલગ કલમોમાં કેસ નોંધાયેલા છે.
ચોર આ રીતે પકડાયો:
ટ્રક ડ્રાઈવર અનિલે જણાવ્યું કે, ટ્રકમાં આશરે 20 લાખ રૂપિયાનો સામાન હતો, જે સુરતથી કાઠમંડુ લાવવામાં આવી રહ્યો હતો. ઈન્દોર પાર કર્યા બાદ દેવાસના બે-ત્રણ કિલોમીટરનું અંતર કાપ્યા બાદ જ બદમાશો ટ્રક પર ચઢવા લાગ્યા હતા. જે બાદ પોલીસે આવીને અમને રોક્યા અને બદમાશને પકડી લીધો. બદમાશ પાસેથી છરી મળી આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
Trending News
