ગુજરાત વિધાનસભામાં પ્રથમ બેઠક ભાજપે નહિ પણ જીતી આ પાર્ટીએ, પરિણામ જોઈ વિશ્વાસ નહિ થાય

ગુજરાત(Gujarat): રાજ્યની વિધાનસભા ચૂંટણી જાહેર થયાના બે મહિના પહેલા જ ચૂંટણીની જાહેરાતની ભારે ઉત્સુકતા જોવા મળી હતી. અંતે ચૂંટણીપંચ દ્વારા 3 નવેમ્બરે ચૂંટણી જાહેર કરતા તમામ લોકોની આતુરતાનો અંત આવ્યો હતો. ત્યાર બાદ 1 ડિસેમ્બરના રોજ સૌરાષ્ટ્ર-કચ્છ અને દક્ષિણ ગુજરાતની 89 સીટ પર જ્યારે 5 ડિસેમ્બરના રોજ ઉત્તર ગુજરાત અને મધ્ય ગુજરાતની 93 સીટ પર મતદાન થયું હતું. જેમાં અનુક્રમે 63.31 અને 65.30 % મતદાન થયું હતું. જેનું સરેરાશ મતદાન 64.30 % થાય છે. જે ગઈ ચૂંટણી કરતા 4 % જેટલું ઓછું ગની શકાય. જેની સવારના 8 વાગ્યાથી 37 મતગણતરી કેન્દ્રો પર 182 સીટની મતગણતરી શરૂ થઈ ગઈ છે. આ ચૂંટણી પરિણામમાં મુખ્યમંત્રી સહિત 20 મંત્રીઓ મળીને કુલ 1621 ઉમેદવારનું રાજકીય ભાવિ નક્કી થશે.

વિધાનસભામાં પ્રથમ બેઠક ભાજપે નહિ પણ કોંગ્રેસ પાર્ટીએ જીતી:
મહત્વનું છે કે, ગુજરાત વિધાનસભામાં પ્રથમ બેઠક ભાજપે નહિ પણ કોંગ્રેસ પાર્ટીએ જીતી છે. અમદાવાદની જમાલપુર ખાડિયા બેઠક પર કોંગ્રેસના ઈમરાન ખેડાવાલાની ૧૫ હજારથી વધુ મતથી જીત થઇ છે. કોંગ્રેસના ઈમરાન ખેડાવાલાને 31501 મત મળ્યા છે. જયારે ભાજપના ઉમેદવાર ભૂષણ ભટ્ટને 5970 વોટ જ મળ્યા છે. જયારે આમ આદમી પાર્ટીને 1713 વોટ મળ્યા છે. જયારે AIMIMને 10556 વોટ મળ્યા છે.

સમગ્ર મતગણતરી પ્રક્રિયા દરમિયાન 182 કાઉન્ટિંગ ઓબ્ઝર્વર્સ, 182 ચૂંટણી અધિકારી અને 494 મદદનીશ ચૂંટણી અધિકારી ફરજ પર હાજર રહેશે. આ મતગણતરી હેઠળ રિટર્નિંગ ઑફિસર/આસિસ્ટન્ટ રિટર્નિંગ ઑફિસર, ઉમેદવાર-કાઉન્ટીંગ એજન્ટ્સ તથા ચૂંટણી પંચ દ્વારા નિમણૂંક પામેલા ઑબ્ઝર્વર્સની ઉપસ્થિતિમાં સ્ટ્રોંગરૂમમાંથી EVM બહાર કાઢી કાઉન્ટીંગ હોલમાં ગોઠવી દેવામાં આવ્યા છે.