AAP ને મુસ્લિમ પાર્ટી ગણાવતી હજારો નકલી પત્રિકાઓ ભરેલી ગાડી પકડાઈ, ભાજપ પર લાગ્યા આરોપ

ગુજરાત(Gujarat): રાજ્યની વિધાનસભા ચુંટણીના મતદાનનો પ્રથમ તબ્બકો ગઈકાલે એટલે કે પહેલી ડીસેમ્બરના રોજ યોજાવવા જઈ રહ્યો છે. ગઈકાલથી જ પ્રચારના પડઘમ શાંત પડી ગયા છે. પરંતુ આ બધા વચ્ચે એક વિડીયો સોશિયલ મીડિયામાં વાયરલ થઇ રહ્યો છે. મહત્વનું છે કે, ગઈકાલે જ આમ આદમી પાર્ટી AAP ની ગેરંટીની અસલી પત્રિકા જેવી જ નકલી પત્રિકા જેમાં ધર્મને લગતું લખાણ લખીને લોકોને આપવામાં આવી રહી છે, તે પ્રકારના આક્ષેપ આમ આદમી પાર્ટી દ્વારા કરવામાં આવ્યા છે.

કેજરીવાલની ગેરંટીની નકલી પત્રિકાઓ વાયરલ:
મહત્વનું છે કે, હજુ ગઈકાલે જ AAP ની અસલી પત્રિકાઓ જેવી નકલી પત્રિકાઓ વાયરલ થવા પામી હતી પરંતુ આ પત્રિકાના અંદરના મુદ્દાઓ અલગ હતા. ત્યારે આ નકલી પત્રિકા વાયરલ થતા આમ આદમી પાર્ટીએ ભાજપ પર ગંભીર આક્ષેપો લગાવ્યા છે કે, આ પ્રકારની નકલી પત્રિકાઓ ભાજપ દ્વારા બનાવવામાં આવી છે અને લોકોને આપવામાં આવી રહી છે અને લોકોને ગુમરાહ કરવામાં આવી રહ્યા છે.

કારમાં નકલી પત્રિકા ભરી હોવાનો વિડીયો થયો વાયરલ:
AAP દ્વારા આક્ષેપ લગાવવામાં આવ્યો છે કે, ભાજપ દ્વારા આમ આદમી પાર્ટી જેવી જ નકલી પત્રિકા બનાવીને દુષપ્રચાર કરી રહ્યા છે અને લોકોને ગેરમાર્ગે દોરી રહ્યા છે. ત્યારે ગઈકાલે નકલી પત્રિકાઓ સોશિયલ મીડિયામાં વાયરલ થઇ હતી, પરંતુ આજે એક અજાણ્યા વ્યક્તિની કારમાંથી આ પત્રિકા મળી આવતા ખળભળાટ મચી જવા પામ્યો છે. વિડીયોમાં તમે જોઈ શકો છો કે,એક કારની અંદર પત્રિકાઓ ભરેલી છે અને આ ભાજપ દ્વારા બનાવવામાં આવેલી નકલી પત્રિકાઓ છે તેવું આમ આદમી પાર્ટીનું કહેવું છે.