લાખો રૂપિયામાં વેચાઈ રહી હતી ઉમેદવારની ટિકિટ, AAP ધારાસભ્યના સાળા સહિત 3ની ધરપકડ… જાણો શું છે મામલો

દિલ્હી મ્યુનિસિપલ કોર્પોરેશન(MCD)ની ચૂંટણી પહેલા એન્ટી કરપ્શન બ્રાંચ(ACB)એ મોટી કાર્યવાહી હાથ ધરી છે. દિલ્હી ACBએ પૈસા લઈને કોર્પોરેટરની ટિકિટ વેચવા બદલ આમ આદમી પાર્ટી(AAP)ના ધારાસભ્યના…

દિલ્હી મ્યુનિસિપલ કોર્પોરેશન(MCD)ની ચૂંટણી પહેલા એન્ટી કરપ્શન બ્રાંચ(ACB)એ મોટી કાર્યવાહી હાથ ધરી છે. દિલ્હી ACBએ પૈસા લઈને કોર્પોરેટરની ટિકિટ વેચવા બદલ આમ આદમી પાર્ટી(AAP)ના ધારાસભ્યના સાળા અને PA સહિત 3 લોકોની ધરપકડ કરી છે. ધરપકડ બાદ હવે પોલીસ એ જાણવાનો પ્રયાસ કરી રહી છે કે આ રીતે અન્ય લોકો પાસેથી પૈસા તો નથી લેવામાં આવ્યા ને.

આ મામલો આમ આદમી પાર્ટીની એક મહિલા કાર્યકર સાથે સંબંધિત છે. ACBના જણાવ્યા અનુસાર આ મહિલા પાસેથી કાઉન્સિલરની ટિકિટ અપાવવાના નામે 90 લાખ રૂપિયાની માંગણી કરવામાં આવી હતી. ધરપકડ કરાયેલા આરોપીઓમાં મોડલ ટાઉનથી AAP ધારાસભ્ય અખિલેશપતિ ત્રિપાઠીના સાળા ઓમ સિંહ, પીએ વિશાલ પાંડે અને અન્ય આરોપી પ્રિન્સ રઘુવંશીનો સમાવેશ થાય છે.

મહિલાનો આરોપ- ધારાસભ્યોને અપાયા પૈસા:
આ મામલો કમલા નગરના વોર્ડ નંબર 69નો છે. અહીં AAP કાર્યકર શોભા ખારીએ આમ આદમી પાર્ટી પાસેથી કાઉન્સિલરની ટિકિટની માંગણી કરી હતી. શોભાનો આરોપ છે કે ધારાસભ્ય અખિલેશ પાટી ત્રિપાઠીએ ટિકિટ અપાવવાના બદલામાં 90 લાખ રૂપિયાની માંગણી કરી હતી. ફરિયાદીએ કહ્યું કે તેણે અખિલેશપતિ ત્રિપાઠીને 35 લાખ રૂપિયા અને વજીરપુરના ધારાસભ્ય રાજેશ ગુપ્તાને 20 લાખ રૂપિયા લાંચ તરીકે આપ્યા હતા.

35 લાખ કામ થયા બાદ આપવાના હતા.
શોભાના જણાવ્યા અનુસાર ડીલ મુજબ બાકીના 35 લાખ રૂપિયા લિસ્ટમાં નામ આવ્યા બાદ આપવાના હતા. યાદી જાહેર થયા બાદ જ્યારે શોભાનું નામ યાદીમાં નહોતું ત્યારે તેણે ધારાસભ્ય અખિલેશપતિ ત્રિપાઠીના સાળા ઓમ સિંહને આ અંગે ફરિયાદ કરી હતી. તેણે પૈસા પાછા આપવા કહ્યું. બાદમાં ફરિયાદીએ આ અંગે એસીબીને ફરિયાદ કરી હતી અને લાંચ આપતી વખતે રેકોર્ડ કરાયેલ વિડિયો પણ એજન્સીને પુરાવા તરીકે આપ્યો હતો.

એસીબીએ ત્રણેયની કરી ધરપકડ:
ફરિયાદ મળ્યા બાદ એસીબીએ છટકું ગોઠવ્યું હતું. 15મી નવેમ્બરની રાત્રે ઓમ સિંહ તેના સાથી શિવશંકર પાંડે અને પ્રિન્સ રઘુવંશી સાથે 33 લાખ રૂપિયાની લાંચ લઈને ફરિયાદીના ઘરે પહોંચ્યા હતા. અહીં એસીબીએ સ્વતંત્ર સાક્ષીની હાજરીમાં ત્રણેયની રોકડ સાથે રંગે હાથે ધરપકડ કરી હતી.

AAP પર BJPનો હુમલો, ઉઠાવ્યા ગંભીર સવાલો:
ACB અનુસાર, આ 33 લાખ રૂપિયા શરૂઆતમાં MCD ટિકિટ માટે આપવામાં આવેલી રકમનો માત્ર એક ભાગ હતા. એસીબીએ રિકવર કરેલી રકમ જપ્ત કરી છે. ACB ટૂંક સમયમાં આ કેસ સંબંધિત વજીરપુરના ધારાસભ્ય અખિલેશપતિ ત્રિપાઠી અને ધારાસભ્ય રાજેશ ગુપ્તા બંનેની પૂછપરછ કરશે. આ ધરપકડ બાદ હવે દિલ્હીનું રાજકારણ ગરમાયું છે. ભારતીય જનતા પાર્ટીના નેતા કપિલ મિશ્રાએ AAP ધારાસભ્યના સાળાની ધરપકડને લઈને આમ આદમી પાર્ટી પર નિશાન સાધ્યું છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો. 

Leave a Reply

Your email address will not be published. Required fields are marked *