November 24, 2024
કર્ણાટક(Karnataka)ના હાસન(Hassan) જિલ્લામાં એક માર્ગ અકસ્માત(Accident)માં 9 લોકોના મોત(9 people died) થયા છે. પોલીસના જણાવ્યા અનુસાર, ધર્મસ્થળ, સુબ્રમણ્ય, હસનામ્બાના મંદિરોની દર્શન કરીને ઘરે પરત ફરતી વખતે આર્સીકેરે તાલુકાના ગાંધીનગર નજીક એક ટેમ્પો પેસેન્જર વાહન, એક KSRTC બસ અને KMF દૂધ વાહન અથડાયા હતા, જેમાં નવ લોકોના મોત થયા હતા. અકસ્માતમાં જીવ ગુમાવનારા 9 લોકોમાં 4 બાળકોનો સમાવેશ થાય છે, જ્યારે 10 લોકો ઘાયલ પણ થયા છે. આ ઘટના શનિવારે રાત્રે 11 વાગ્યાની આસપાસ બની હતી.
બસ અને દૂધના ટેન્કર વચ્ચે અથડાતા તમામ લોકો ટેમ્પોમાં સવાર હતા. સૂત્રોએ જણાવ્યું હતું કે તેમાંથી 6નું ઘટનાસ્થળે જ મોત થયું હતું, જ્યારે 3નું હોસ્પિટલ લઈ જતા રસ્તામાં જ મોત નીપજ્યું હતું. ઘાયલોને અહીંની હોસ્પિટલમાં સારવાર આપવામાં આવી રહી છે. અકસ્માતની માહિતી મળતાં, હાસનના પોલીસ અધિક્ષક હરિરામ શંકર અને વરિષ્ઠ અધિકારીઓએ અકસ્માત સ્થળની મુલાકાત લીધી અને ખાતરી કરી કે તમામ જરૂરી પ્રક્રિયાઓનું પાલન કરવામાં આવ્યું છે.
Trending News
પોલીસના જણાવ્યા અનુસાર શિવમોગા તરફ જઈ રહેલી રાજ્ય પરિવહન નિગમની બસે ટેમ્પોને ટક્કર મારી હતી. ટેમ્પો ચાલકે કાબુ ગુમાવતાં સામેથી આવી રહેલા દૂધના ટેન્કરને ટક્કર મારી હતી. પરિણામે ટેમ્પો બસ અને ટેન્કર વચ્ચે જોરદાર અકસ્માત સર્જાયો હતો. આ અકસ્માત હાઇવે પર થયો હતો, જેના ફોર લેન પહોળા કરવાનું કામ ચાલી રહ્યું છે. રોડ પર ડાયવર્ઝન અંગેની મૂંઝવણ અકસ્માતનું એક કારણ હોવાનું માનવામાં આવે છે. બસમાં બેઠેલા કેટલાક મુસાફરોને ઈજાઓ પણ થઈ હતી. ઘાયલો પૈકી 2ની હાલત ગંભીર હોવાનું કહેવાય છે.
આ ઘટના પર દુઃખ વ્યક્ત કરતાં મુખ્ય પ્રધાન બસવરાજ બોમ્માઈએ ટ્વીટ કર્યું, “ગઈકાલે હાસન જિલ્લાના અર્સિકેરેમાં એક ભયાનક માર્ગ અકસ્માતમાં 9 લોકોના મોત થયા એ જાણીને દુઃખ થયું. દિવંગત આત્માઓને શાંતિ મળે. મૃતકોના પરિવારજનોને પૂરતું વળતર આપવામાં આવશે અને ઘાયલોની યોગ્ય સારવારની વ્યવસ્થા કરવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.