સુરતમાં ટ્રક, બાઈક અને સાયકલ વચ્ચે સર્જાયો ત્રિપલ અકસ્માત- 23 વર્ષીય જુવાનિયાને ભરખી ગયો કાળ

સુરત(Surat): શહેરમાં અવારનવાર અકસ્માતની ઘટનાઓ સામે આવતી રહે છે. જેમાં ઓવર સ્પીડીંગને કારણે ઘણા અકસ્માતના બનાવો સામે આવે છે. ત્યારે આવો જ એક અકસ્માત સુરત શહેરના ભાઠેના(Bhathena) વિસ્તારમાં બન્યો છે. જે અકસ્માત(Accident)માં એકનું કરુણ મોત નીપજ્યું છે.

સુરત શહેરના ભાઠેના વિસ્તારના ઓવર બ્રીજ પર આ અકસ્માત સર્જાયો છે. જેમાં ટ્રક, બાઈક અને સાયકલ વચ્ચે ત્રિપલ અકસ્માત સર્જાયો હતો. આ અકસ્માત દરમિયાન એક વિધાર્થીનું ઘટનાસ્થળે જ મોત નીપજ્યું હતું. આ 23 વર્ષીય વિધાર્થી વિવેક કિકાણીનું કરુણ મોત નીપજતા પરિવારના પગ નીચેથી જમીન સરકી ગઈ હતી.

મળતી માહિતી અનુસાર, આ 23 વર્ષનો આ વિધાર્થી ભગવાન મહાવીર કોલેજમાં MBAનો અભ્યાસ કરતો હતો. યુવકના મૃત્યુને કારણે પરિવારમાં શોકની લાગણી છવાઈ ગઈ હતી. આ ત્રિપલ અકસ્માતમાં વિધાર્થીનું કરુણ મોત નીપજ્યું હતું.