લાખો લોકોના દિલ પર રાજ કરનાર ‘તારક મહેતા કા ઉલ્ટા ચશ્મા’ શો ને મળી ગઈ નવી ‘દયા ભાભી’ -જુઓ વિડીયો 

TV સીરીયલના જગતમાં ઘરે-ઘરે જોવામાં આવતો શો એટલે ‘તારક મહેતા કા ઉલ્ટા ચશ્મા’. આ TV શો છેલ્લા 12 વર્ષથી લોકો પર તેમજ TV પર રાજ કરી રહ્યો છે. ઘણાં લોકો તો આ શો ને ‘મિની હિન્દુસ્તાન’ તરીકે પણ ઓળખાવે છે. ત્યારે હાલમાં આ શોને લઈ એક અગત્યનાં સમાચાર સામે આવી રહ્યાં છે.

અંદાજે 3 વર્ષથી શોની લીડ એક્ટ્રેસ એટલે કે જેઠાલાલની પત્ની, દયા બેનની આ શો માંથી બહાર જતા ખુબ મોટી ખોટ વર્તાઈ રહી છે. દયા બેનનું પાત્ર ભજવનાર અભિનેત્રી દિશા વાકાણી માતા બન્યા પછીથી આ શોમાં પાછી ફરી નથી પણ હવે જેઠાલાલને એની નવી ‘દયા’ મળી ગઈ છે.

આટલું જ નહીં પણ શોના નિર્માતા અસિત કુમાર મોદીએ પણ આ નવી દયાબેનને એના શોમાં લાવવા માટેની વાત કરી છે. ખરેખર આ બધું રિયાલિટી ડાન્સ શો ‘India’s Best Dancer’ ના સેટ પર થવા જઇ રહ્યું છે કે, જ્યાં ‘તારક મહેતા કા ઉલ્ટા ચશ્મા’ શોની આખી ટીમ વીકએન્ડ પર જોવા મળશે.

આવી પરિસ્થિતિમાં શોના કોરિયોગ્રાફર રુતુજા જુનારકર (Rutuja Junnarkar) ‘દયા બેન’ ની સ્ટાઇલમાં શોમાં ડાન્સ કરતી જોવા મળશે. આટલું જ નહીં પણ રુતુજાને આ દયા બેનનાં અવતારમાં જેઠાલાલ એટલે કે અભિનેતા દિલીપ જોશીને ‘ટપ્પુ કે પાપા’ તરીકે બોલાવતા પણ જોવા મળશે. ‘ઇન્ડિયા બેસ્ટ ડાન્સર’ તથા ‘તારક મહેતા કા ઉલ્ટા ચશ્મા’ શો નો આ મહાસંગ્રામ શનિવારે અને રવિવારે રાત્રે 8 વાગ્યે જોવા મળશે.