ટ્વીટરે ઉડાવ્યુ દેશની સૌથી યુવા વયની મહિલા કોર્પોરેટરનું એકાઉન્ટ- લગાવ્યો ગંભીર આક્ષેપ

સુરતમાં અમ આદમી પાર્ટીના મહિલા કોર્પોરેટર અને સોશિયલ મીડિયા પર એક્ટીવ રહેતા પાયલ પટેલનું ટ્વિટર એકાઉન્ટ ટ્વિટર પરથી ડીલીટ કરી દેવામાં આવ્યું છે. કોર્પોરેશનની ચુંટણી અગાઉથી અસોશીયલ મીડિયાના માધ્યમ દ્વારા લોકોને જોડવામાં સૌ પ્રથમ રહેનાર પાયલ પટેલના એકાઉન્ટ ડિલિટ કરવા અંગે ભારતીય જનતા પર આક્ષેપ કરતા કહ્યું છે કે, ખાડી સફાઈ અભિયાન દરમિયાન સતાધીશો પર પ્રશ્નો ઉઠાવ્યા હતા. જેને કારણે ભાજપના આઈટી સેલ દ્વારા મારા ટ્વિટર એકાઉન્ટને રીપોર્ટ કરાવીને એકાઉન્ટ બ્લોક કરાવ્યું હોય શકે છે. મારું ટ્વિટર એકાઉન્ટ ભલે બ્લોક કર્યું પરંતુ હું અન્ય માધ્યમોથી લોકોના સવાલો સરકાર સામે ઉઠાવતી રહીશ.

છેલ્લા ઘણા સમયથી નેતાઓના ટ્વિટર એકાઉન્ટ, ટ્વીટ ડીલીટ કરવાનું શરુ કર્યું હતું. સમગ્ર દેશમાં ઘણા બધા રાજકીય પક્ષોના કાર્યકર્તાઓ અને નેતાઓ ટ્વિટર દ્વારા ઉશ્કેરણીજનક ટ્વિટ કરે છે અને જેને લીધે તેમના ટ્વિટર એકાઉન્ટ ટ્વિટર પરથી હટાવી દેવામા આવ્યા છે. તો અમુક નેતાઓના એકાઉન્ટ અન્ય કારણોસર ડીલીટ કરવામાં આવ્યા છે. જે અંગેની માહિતી હજુ પ્રાપ્ત થઇ નથી. ત્યારે સોશિયલ મીડિયા પર સક્રિય રહેતા આમ આદમી પાર્ટીના મહિલા કોર્પોરેટર પાયલ પટેલનું ટ્વિટર એકાઉન્ટ ડિલિટ થઇ જતા પાયલ પટેલ આશ્ચર્યમાં મૂકાયા ગયા છે.