મોદી ના જન્મ દિવસે સુરતના સાયન્સ સેન્ટર ખાતે એક અનોખા એક્ઝિબિશનનું આયોજન કરવામાં આવ્યું છે

વડાપ્રધાન નરેન્દ્ર મોદીનો આવતીકાલ જન્મદિવસ છે ત્યારે સુરતના સાયન્સ સેન્ટર ખાતે એક અનોખા એક્ઝિબિશનનું આયોજન કરવામાં આવ્યું છે. આ એક્ઝિબિશનમાં વડાપ્રધાન નરેન્દ્ર મોદીના જીવન કથન અને કાર્યશૈલીને લગતું એક્ઝિબિશન યોજવામાં આવ્યું છે.

બે દિવસના આ એક્ઝિબિશનમાં મોટી સંખ્યામાં લોકો ઉમટે તેવી આશા સેવવામાં આવી રહી છે.વડાપ્રધાન નરેન્દ્ર મોદીના જન્મદિવસને લઈને શહેરમાં અલગ અલગ કાર્યક્રમોનું આયોજન કરવામાં આવ્યા છે ત્યારે સાયન્સ સેન્ટર ખાતે વડાપ્રધાન મોદીના કાર્યો,સુત્રો, યોજનાઓ સહિતના તેમના પ્રવાસો સહિતની વિગતો દર્શાવતાં એક્ઝિબિશનનું આયોજન કરવામાં આવ્યું છે.