ફર્નિચરની દુકાનમાં આગ ફાટી નીકળતા એક જ પરિવારના 6 લોકો જીવતા ભડથું થયા- ‘ઓમ શાંતિ’ 

ઉત્તર પ્રદેશ(Uttar Pradesh)ના ફિરોઝાબાદ(Firozabad)ના જસરાના(Jasrana)માં મંગળવારે કાળજું કંપાવી દે તેવી દુર્ઘટના(Accident) ઘટી હતી. વાસ્તવમાં અહીં એક ઈલેક્ટ્રોનિક્સ અને ફર્નિચરની દુકાનમાં આગ લાગવાને કારણે એક જ પરિવારના 6 લોકો જીવતા સળગી ગયા હતા. ઘટનામાં 3 લોકો ગંભીર રીતે દાઝી ગયા છે.

સમાચાર એજન્સી પીટીઆઈના જણાવ્યા અનુસાર આગ લાગવાનું કારણ શોર્ટ સર્કિટ જણાવવામાં આવી રહ્યું છે. ઘટના બાદ ઘટનાસ્થળે હોબાળો મચી ગયો હતો. તરત જ ઘટના અંગે માહિતી પોલીસ અને ફાયર વિભાગને આપવામાં આવી હતી. માહિતી મળતાં જ મોટી સંખ્યામાં પોલીસ અને ફાયર બ્રિગેડની ગાડીઓ ઘટનાસ્થળે પહોંચી ગઈ હતી.

ફિરોઝાબાદના એસપી આશિષ તિવારીએ જણાવ્યું કે, આ ઘટના જસરાના વિસ્તારના પધમ શહેરમાં બની હતી. અહીં એક ઇન્વર્ટરમાં શોર્ટ સર્કિટ થયું હતું. જેણે વિકરાળ આગનું સ્વરૂપ ધારણ કર્યું હતું. તેમણે જણાવ્યું કે ઘટનામાં એક જ પરિવારના 6 લોકોના મોત થયા છે. જેમાં 4 બાળકોનો પણ સમાવેશ થાય છે. પોલીસ અને ફાયર બ્રિગેડની 18 ગાડીઓ ઘટનાસ્થળે હાજર હતી.

18 ફાયર બ્રિગેડ અને 12 પોલીસ સ્ટેશન બચાવ કાર્યમાં રોકાયેલા:
ફિરોઝાબાદના એસપી આશિષ તિવારીએ જણાવ્યું કે આગરા, મૈનપુરી, એટાહ અને ફિરોઝાબાદના 18 ફાયર એન્જિન આગ ઓલવવામાં રોકાયેલા હતી. આ સાથે 12 પોલીસ સ્ટેશનની પોલીસ પણ ઘટનાસ્થળે હાજર છે. તેમણે કહ્યું કે તે ગીચ વિસ્તાર છે, તેથી બચાવકર્તાઓએ વધુ પ્રયત્નો કરવા પડ્યા. તેમણે કહ્યું કે અમે હજુ એ જાણવાનો પ્રયાસ કરી રહ્યા છીએ કે અંદર કોઈ ફસાયું છે કે કેમ. હાલ બચાવ કામગીરી ચાલી રહી છે.