ગુજરાતનો શિવાંશ વિશ્વ સ્તરે ઝળહળ્યો, સૌથી ઝડપી હનુમાન ચાલીસાનો પાઠ કરી બનાવ્યો વર્લ્ડ રેકોર્ડ- જુઓ વિડીયો

વડોદરા(Vadodara): શહેર સંસ્કારી નગરી તરીકે ઓળખાય છે. આ સંસ્કારી નગરી વડોદરામાં એક નાનકડા ત્રણ વર્ષના બાળકમાં યોગ્ય સંસ્કારોનું સિંચન થવાથી આટલી નાની ઉંમરમાં જ આખી હનુમાન ચાલીસાનો પાઠ કડકડાટ બોલી જાય છે. જો વાત કરવામાં આવે તો 3 વર્ષ 4 મહિના 7 દિવસનો ઉપાધ્યાય શિવાંશ(Upadhyay Shivansh) 3 મિનિટ 22 સેકન્ડમાં હનુમાન ચાલીસા(Hanuman Chalisa)નો પાઠ કરનાર સૌથી યુવા છે અને તેણે ઇન્ટરનેશનલ બુક ઓફ રેકોર્ડ(International Book of Records)માં પોતાનું નામ સ્થાપિત કર્યું છે.

મહત્વનું છે કે, “ટૂંક સમયમાં હનુમાન ચાલીસાનો પાઠ કરવા માટે સૌથી યુવા” નો વિશ્વ રેકોર્ડ 13મી માર્ચ 2023ના રોજ વડોદરા સહીત ભારતમાંથી ઉપાધ્યાય શિવાંશ વિવેક દ્વારા હાંસલ કરવામાં આવ્યો છે. 3 વર્ષ 4 મહિના 7 દિવસનો ઉપાધ્યાય શિવાંશ 3 મિનિટ 22 સેકન્ડમાં હનુમાન ચાલીસાનો પાઠ કરનાર સૌથી યુવા છે અને તેણે ઇન્ટરનેશનલ બુક ઓફ રેકોર્ડ માં એક નવો વર્લ્ડ રેકોર્ડ રચ્યો છે.