November 05, 2024
વિશ્વ હિન્દુ પરિષદ(VHP) આજે રિલીઝ થયેલી શાહરૂખ ખાન(Shah Rukh Khan)ની ફિલ્મ ‘પઠાણ'(Pathaan)નો વિરોધ નહીં કરે. VHPનું કહેવું છે કે અમારા અગાઉના વાંધાને ધ્યાનમાં રાખીને ફિલ્મમાં કરવામાં આવેલા ફેરફારો યોગ્ય છે. VHP મુંબઈના જોઈન્ટ સેક્રેટરી શ્રીરાજ નાયરે(Sriraj Nair) કહ્યું કે, ફિલ્મ જોયા પછી અમને કંઈ વાંધાજનક લાગશે તો અમે ફિલ્મનો વિરોધ કરવા પર પુનર્વિચાર કરીશું.
જણાવી દઈએ કે ફિલ્મ ‘પઠાણ’ આજથી દેશભરના સિનેમાઘરોમાં બતાવવામાં આવી રહી છે. પરંતુ દેશના ઘણા ભાગોમાં તેનો વિરોધ હજુ પણ ચાલુ છે. રિલીઝના એક દિવસ પહેલા, બિહારના ભાગલપુરમાં એક સિનેમા હોલની બહાર તેનું પોસ્ટર ફાડીને સળગાવી દેવામાં આવ્યું હતું. હિંદુવાદી સંગઠનોના યુવાનોએ સિનેમા હોલમાં લાગેલા પોસ્ટરો ફાડીને સળગાવી દીધા હતા અને ‘ફિલ્મ ચલેગા, હોલ જલેગા’ના નારા લગાવ્યા હતા.
હિંદુ સંગઠનના સભ્યોએ કહ્યું, “હિંદુ ધર્મ સાથે બાંધછોડ કરી શકાય નહીં. સમગ્ર ભારત સહિત ભાગલપુરમાં સનાતન સંસ્કૃતિનો વિરોધ કરનાર કોઈપણ તત્વને સાંખી લેવામાં આવશે નહીં. જો પઠાણને ભાગલપુરના કોઈપણ સિનેમા હોલમાં બતાવવામાં આવશે તો તેનો સખત વિરોધ કરવામાં આવશે.”
Trending News
ફિલ્મ ‘પઠાણ’ વિરુદ્ધ પોલીસ ફરિયાદ દાખલ
મેનેજર લાલન સિંહે કહ્યું કે, કેટલાક અસામાજિક તત્વોએ ફિલ્મનો વિરોધ કર્યો અને પોસ્ટર સળગાવી દીધું. સ્થાનિક પોલીસ સ્ટેશન અને એસપીને આવેદન આપવામાં આવ્યું છે અને પ્રશાસને સુરક્ષા આપવાની ખાતરી આપી છે. જમણેરી કાર્યકર્તા સત્ય રંજન બોરાએ સોમવારે ગીતાનગર પોલીસ સ્ટેશનમાં શાહરૂખ ખાનની ફિલ્મ ‘પઠાણ’ વિરુદ્ધ પોલીસ ફરિયાદ નોંધાવી હતી. ‘બેશરમ રંગ’ ગીત રિલીઝ થયું ત્યારથી જ ‘પઠાણ’ વિવાદમાં છે.
અમે ફિલ્મનો વિરોધ કરીએ છીએ- બજરંગ દળ
અહીં આગ્રામાં પણ ‘પઠાણ’ ફિલ્મનો વિરોધ કરી રહેલા દક્ષિણપંથી સંગઠન હિંદુ મહાસભાના કાર્યકર્તાઓએ મંગળવારે આગ્રામાં ફિલ્મના પોસ્ટર પર શાહી ફેંકી હતી અને તેને ફાડી નાંખી હતી. હિન્દુ મહાસભાના નેતા સંજય જાટે કહ્યું કે સંગઠન કોઈપણ કિંમતે ફિલ્મ ‘પઠાણ’ને પ્રદર્શિત થવા દેશે નહીં. જ્યારે બજરંગ દળે કહ્યું કે અમે ફિલ્મનો વિરોધ કરીએ છીએ. પોલીસે જણાવ્યું હતું કે જમણેરી સંગઠનના કાર્યકર્તાઓ આજે ઘણા સિનેમા હોલમાં પહોંચ્યા હતા અને ફિલ્મના પોસ્ટરો પર શાહી ફેંકી હતી અને તેમને ફાડી નાખ્યા હતા. માહિતી મળ્યા બાદ પોલીસ તેમને સમજાવીને સ્થળ પર પહોંચી અને તેમને ત્યાંથી હટાવ્યા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.