November 07, 2024
સરકારે ચૂંટણી પ્રક્રિયામાં મોટા સુધારાનો માર્ગ મોકળો કર્યો છે. બુધવારે પીએમ નરેન્દ્ર મોદી(Narendra Modi)ની અધ્યક્ષતામાં કેબિનેટની બેઠકમાં ચૂંટણી સુધારણા સંબંધિત બિલને મંજૂરી આપવામાં આવી હતી. બિલ અનુસાર, આવનારા સમયમાં, વોટર આઈડી કાર્ડને તે વ્યક્તિના આધાર નંબર(Voter ID Card And Aadhaar Linking) સાથે લિંક કરવામાં આવશે. આધાર કાર્ડ(aadhar card)ને વોટર આઈડી સાથે લિંક કરવાનો નિર્ણય સ્વૈચ્છિક રહેશે. ચૂંટણી પંચની ભલામણના આધારે સરકારે આ નિર્ણય લીધો છે. આધારને વોટર આઈડી(Voter ID) સાથે લિંક કરવાથી નકલી મતદાર કાર્ડની હેરાફેરી અટકશે.
વર્ષમાં ચાર વખત મતદાર બનવાની તક મળશે:
આધાર અને મતદાર આઈડીને લિંક કરવાના મામલે સુપ્રીમ કોર્ટના ગોપનીયતાના અધિકારના નિર્ણયને ધ્યાનમાં લેવામાં આવશે. ચૂંટણી પંચને વધુ સત્તા આપવા માટે સરકાર પગલાં લેશે. પ્રસ્તાવિત બિલ દેશના યુવાનોને દર વર્ષે ચાર અલગ-અલગ તારીખે મતદાતા તરીકે પોતાની નોંધણી કરાવી શકશે. એટલે કે મતદાર બનવા માટે હવે વર્ષમાં ચાર તારીખોને કટઓફ ગણવામાં આવશે. અત્યાર સુધી દર વર્ષે 1 જાન્યુઆરીના રોજ અથવા તે પહેલાં 18 વર્ષની થઈ ગયેલા યુવાનોને જ મતદાર તરીકે નોંધણી કરાવવાની છૂટ છે.
ચૂંટણી પંચ કરી રહ્યું હતું માંગણી:
ભારતનું ચૂંટણી પંચ લાયકાત ધરાવતા લોકોને મતદાર તરીકે નોંધણી કરાવવાની મંજૂરી આપવા માટે બહુવિધ ‘કટઓફ તારીખો’ની હિમાયત કરી રહ્યું છે. ચૂંટણી પંચે સરકારને કહ્યું હતું કે 1 જાન્યુઆરીની કટ ઓફ ડેટને કારણે ઘણા યુવાનો મતદાર યાદીની કવાયતથી વંચિત રહી ગયા હતા. માત્ર એક જ કટ-ઓફ તારીખ સાથે, 2 જાન્યુઆરીએ 18 વર્ષની ઉંમર પૂર્ણ કરનારા લોકો નોંધણી કરાવી શક્યા ન હતા અને નોંધણી માટે આવતા વર્ષ સુધી રાહ જોવી પડી હતી.
Trending News
ઘણી જગ્યાએથી મતદાર નોંધણી પર પ્રતિબંધ મૂકવામાં આવશે:
કાયદા અને ન્યાય મંત્રાલયે તાજેતરમાં સંસદની એક સમિતિને જણાવ્યું હતું કે, તે લોકોના પ્રતિનિધિત્વ અધિનિયમની કલમ 14 Bમાં સુધારો કરવાનો પ્રસ્તાવ મૂકે છે જેથી દર વર્ષે નોંધણી માટે ચાર કટ-ઓફ તારીખો હોય: જાન્યુઆરી 1, એપ્રિલ 1, જુલાઈ અને 1 ઓક્ટોબરનો સમાવેશ થાય છે. માર્ચમાં, તત્કાલિન કાયદા પ્રધાન રવિશંકર પ્રસાદે લોકસભામાં એક પ્રશ્નના લેખિત જવાબમાં કહ્યું હતું કે, એક જ વ્યક્તિની ઘણી વખત નોંધણી કરવાના દુષણને રોકવા માટે ચૂંટણી પંચે આધાર સિસ્ટમને મતદાર યાદી સાથે લિંક કરવાનો પ્રસ્તાવ મૂક્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.