અભિનેત્રી સારા અલી ખાને એવું તો શું કાંડ કર્યો કે, લોકો એને ભિખારણ સમજી આપવા લાગ્યા પૈસા -જુઓ વિડીયો   

સોશિયલ મીડિયામાં અવારનવાર કેટલાંક વિડીયો વાયરલ થતાં રહેતાં હોય છે. હાલમાં પણ આવો જ એક વિડીયો પ્રખ્યાત અભિનેત્રી સારા અલી ખાનનો ખુબ જ વાયરલ થઈ રહ્યો છે. સારા અલી ખાને પોતાના જોરદાર અભિનયથી લોકોનું ધ્યાન ખેંચ્યું એ વાત કોઈ પણ વ્યક્તિ નકારી શકે નહી.

એક્ટિંગની સાથે જ સોશિયલ મીડિયા પર તે ખૂબ જ એક્ટિવ રહેતી હોય છે. તેના ચાહકો તેમજ ફોલોઅર્સ ખુબ મોટી સંખ્યામાં છે. તે ફેન્સની સાથે નવા નવા કિસ્સા શેર કરતી રહેતી હોય છે ત્યારે હાલમાં પણ સારા અલી ખાનનો આવો જ એક વીડિયો સોશિયલ મીડિયા પર ખુબ વાયરલ થઈ રહ્યો છે.

આ વીડિયોમાં તે જણાવે છે કે, કેવી રીતે એકવાર કેટલાક લોકોએ એને ભિખારણ સમજી પૈસા આપવાનું શરૂ કર્યું હતું. સારા અલી ખાને જણાવ્યું હતું કે, હું મારા પરિવારની સાથે વેકેશન પર ગઈ હતી. મારા માતા-પિતા સૈફ અલી ખાન તથા અમૃતા સિંહ ખરીદી કરવાં માટે દુકાનની અંદર ગયા હતા.

હું તથા મારો ભાઈ ઇબ્રાહિમ અલી ખાન દુકાનની બહાર એની રાહ જોતા હતા. હાઉસ હેલ્પર પણ અમારી સાથે હતી. સારા અલી ખાને જણાવ્યું કે, મેં ડાન્સ કરવાનું શરૂ કર્યું. મારો ડાન્સને જોઇ લોકોએ મને પૈસા આપવાનું શરૂ કરી દીધું. કારણ કે, એમને એમ કે હું ભીખ માંગું છું.