November 18, 2024
Mitchell Starc Controversial Catch: ઈંગ્લેન્ડ અને ઓસ્ટ્રેલિયા વચ્ચે એશિઝ શ્રેણીની બીજી મેચ ક્રિકેટના મક્કા ગણાતા લોર્ડ્સમાં રમાઈ રહી છે. આ મેચના ચોથા દિવસે (1 જુલાઈ) જબરદસ્ત હંગામો(Mitchell Starc Controversial Catch) જોવા મળ્યો હતો. સમગ્ર હંગામાના કેન્દ્રમાં મિચેલ સ્ટાર્ક હતો, જેણે ઈંગ્લિશ બેટ્સમેન બેન ડકેટનો કેચ લીધો હતો. જોકે, ત્યાર બાદ ત્રીજા અમ્પાયરે મેદાન પરના અમ્પાયરના નિર્ણયને પલટી નાખ્યો હતો.
આ સમગ્ર ઘટના ઈંગ્લેન્ડની બીજી ઈનિંગની 29મી ઓવરમાં બની હતી. તે ઓવરમાં, કેમેરોન ગ્રીને પાંચમો બોલ શોટ નાખ્યો, જેના પર ડકેટે ફાઇન લેગ એરિયામાં રેમ્પ શોટ માર્યો. શોટની ટાઈમિંગ એટલી સારી ન હતી અને બોલ હવામાં આગળ વધ્યો હતો. તે જગ્યાએ હાજર મિચેલ સ્ટાર્કે ડાબી બાજુએ દોડીને કેચ પકડ્યો હતો. જોકે, જ્યારે કેચ લેતી વખતે મિચેલ સ્ટાર્ક સરકી ગયો ત્યારે બોલ જમીનને સ્પર્શી ગયો. મેદાન પરના અમ્પાયરને આ કેચ અંગે ખાતરી થઈ અને તેણે સ્ટાર્કની તરફેણમાં નિર્ણય લીધો હતો.
Trending News
બીજી બાજુ, બેન ડકેટ ઇચ્છતા હતા કે થર્ડ અમ્પાયર મામલાની ક્રોસ-ચેક કરે. મામલો થર્ડ અમ્પાયર મરાઈસ ઈરાસ્મસ સુધી પહોંચ્યો પણ હતો. દક્ષિણ આફ્રિકાના રહેવાસી ઇરાસ્મસે રિપ્લે જોયા બાદ મેદાન પરના અમ્પાયરના નિર્ણયને પલટી નાખ્યો હતો. ઇરાસ્મસનું માનવું હતું કે જ્યારે મિચેલ સ્ટાર્કે કેચ તો પકડી લીધો હતો, જ્યારે બોલ જમીનને સ્પર્શી રહ્યો હતો ત્યારે તે પોતે સંપૂર્ણ નિયંત્રણમાં ન હતો. ઓસ્ટ્રેલિયન ખેલાડીઓ આ નિર્ણયથી ખૂબ જ નારાજ દેખાતા હતા અને મેદાન પરના અમ્પાયરો સાથે લાંબા સમય સુધી દલીલ કરી હતી.
થર્ડ અમ્પાયરના આ નિર્ણયે ગયા મહિને ભારત અને ઓસ્ટ્રેલિયા વચ્ચે રમાયેલી વર્લ્ડ ટેસ્ટ ચેમ્પિયનશિપની ફાઇનલ મેચની યાદ અપાવી. તે મેચમાં કેમરૂન ગ્રીને એક હાથે શુભમન ગિલનો ડાઇવિંગ કેચ લીધો હતો. ત્યારબાદ મામલો થર્ડ અમ્પાયર પાસે ગયો. તે સમયે, રિપ્લે જોયા પછી, પહેલી વાર જોતા એ એવું લાગતું હતું કે, બોલ જમીનને સ્પર્શ્યો હતો, પરંતુ થર્ડ અમ્પાયર રિચર્ડ કેટલબરોએ બેટ્સમેન વિરુદ્ધ નિર્ણય આપ્યો. જો આપણે સ્ટાર્ક અને કેમેરોન ગ્રીનના કેચની સરખામણી કરીએ તો, સ્ટાર્ક ગ્રીન કરતાં બોલ પર વધુ નિયંત્રણ રાખતો હતો. આવી સ્થિતિમાં થર્ડ અમ્પાયર પર સવાલ ઉઠાવવા યોગ્ય લાગે છે.
Well then…
What do we think of this one? 👀
Cleary grounded 😉 #EnglandCricket | #Ashes pic.twitter.com/bPHQbw81dl
— England Cricket (@englandcricket) July 1, 2023
ક્રિકેટના નિયમો બનાવતી સંસ્થા મેરીલેબોન ક્રિકેટ ક્લબે પણ આ સમગ્ર મામલે સ્પષ્ટતા આપી છે. MCCએ પોતાના ટ્વિટમાં લખ્યું છે કે, ‘નિયમ 33.3માં સ્પષ્ટ રીતે લખ્યું છે કે, કેચ ત્યારે જ પૂર્ણ માનવામાં આવે છે જ્યારે ફિલ્ડરનો બોલ અને તેની પોતાની ગતિ પર સંપૂર્ણ નિયંત્રણ હોય. આ પહેલા બોલ જમીનને સ્પર્શી શકતો નથી. આ કિસ્સામાં, જ્યારે બોલ જમીનને સ્પર્શી રહ્યો હતો, ત્યારે મિશેલ સ્ટાર્ક સરકી રહ્યો હતો અને તેથી તેની પોતાની ગતિ પર સંપૂર્ણ નિયંત્રણ નહોતું.’
અમ્પાયરનો નિર્ણય જે પણ હોય, ઓસ્ટ્રેલિયન ટીમને કેટલું નુકસાન થાય છે, તે તો પાંચમા દિવસની રમત જ કહેશે. 371 રનના લક્ષ્યાંકનો પીછો કરતા ચોથા દિવસના અંતે ઇંગ્લેન્ડે તેની બીજી ઇનિંગમાં ચાર વિકેટે 114 રન બનાવી લીધા હતા. બેન ડકેટ છ ચોગ્ગાની મદદથી 50 અને કેપ્ટન બેન સ્ટોક્સ 29 રને રમી રહ્યા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube