મામાનાં છોકરા સાથે વાત કરવી પડી ભારે, 2 યુવતીને પરિવારના જ સભ્યોએ માર્યો ઢોરમાર

મધ્યપ્રદેશના આદિવાસી વિસ્તારમાંથી એક ચોંકાવનારી ઘટના સામે આવી છે. મધ્યપ્રદેશના ધાર જીલ્લામાં ૨ યુવતીઓને પરિવારના જ સભ્યોએ ઢોરમાર મારવામાં આવ્યો હતો. કારણ એ હતું કે તે યુવતીઓ તેમના મામા પરિવારના છોકરાઓ સાથે ફોન પર વાત કરતી હતી. આ મારપીટનો વિડીઓ પણ ખુબ જ વાયરલ થઇ રહ્યો છે. આ સમગ્ર ઘટના અંગે પોલીસે ૭ લોકોની ધરપકડ કરી છે.

હમણાં હજુ અલીરાજપુરમાં યુવતી સાથેની બેશરમ હરકતનો મામલો હજુ થમ્યો નથી ત્યાતો મધ્યપ્રદેશના ધાર જીલ્લાના પીપળવા ગામનો વધુ એક વિડીઓ સોશિયલ મીડિયામાં વાયરલ થતા ચકચાર મચી જવા પામ્યો છે. આ વીડીઓમાં એક જ પરિવારની ૨ યુવતીએ ને ખુબ જ ખરાબ રીતે મારપીટ કરી હતી. ત્યાં હાજર લોકો દ્વારા છોકરીઓને લાકડી વડે માર મારવામાં આવી રહ્યો છે.

ટાંડા પોલીસ સ્ટેશન ઇન્ચાર્જ એવા વિજય વાસ્કલેએ જણાવતા કહ્યું છે કે પરિવારના જ લોકોએ યુવતીઓ સાથે જ આ પ્રકારની હેવાનિયત આચરી હતી. એટલું જ નહીં ઘટના સ્થળે હાજર રહેલા લોકોએ સમગ્ર ઘટનાનો વિડીયો પણ બનાવ્યો હતો. વિડીઓમાં મહિલાઓએ પણ લાકડીઓ વરસાવી હતી અને મહિલાઓ દ્વારા પથ્થર અને લાકડી વડે માર મારવામાં આવ્યો હતો.

યુવતીઓનો આરોપ છે કે, અમને ફક્ત એટલે માર મારવામાં આવ્યો હતો કે પોતાના મામાના પરિવારના ૨ છોકરાઓ સાથે ફોન પર વાતચીત કરી રહી હતી. આ વાતથી નારાજ થઈને તેમના પરિવારના સભ્યો દ્વારા જોરદાર માર મારવામાં આવ્યો હતો.