November 05, 2024
Youth dies of heart attack in UP Lakhimpur: સમગ્ર દેશ અને દુનિયામાં હાર્ટ એટેકને કારણે અનેક લોકોના મોતની સંખ્યામાં દિવસેને દિવસ સતત વધારો નોધાય રહ્યો છે. તેમાં ક્રિકેટ પ્લેયરોથી માંડીને અનેક સ્ટાર્સ અને આમ જનતાના કિસ્સાઓ સતત સામે આવી રહ્યા છે. જો વાત કરવામાં આવે તો યુવાનોમાં સતત હાર્ટ એટેકના પ્રમાણમાં વધારો થઇ રહ્યો છે. હાલ યુવાનોમાં હાર્ટ એટેકના પ્રમાણમાં ભયજનક ઉછાળો આવ્યો છે.
કોઈ પણ પ્રકારની બિમારી ન હોય તેમ છતાં અનેક લોકો હાર્ટ એટેકનો શિકાર બની રહ્યા છે. ક્રિકેટ રમતી વખતે, લગ્નમાં નાચતી વખતે કે જીમમાં કસરત કરતી વખતે હાર્ટ એટેક આવવાની સાથે જ ઘટનમાં સ્થળે મૃત્યુના કિસ્સાઓ વધારો થઇ રહ્યો છે. ત્યારે હાર્ટ એટેકના કારણે મોતના વધુ એક બનાવ સામે આવ્યો છે. યુપીના લખીમપુરમાં હાર્ટ એટેકથી વધુ એક યુવકનું મોત થયું છે.(Youth dies of heart attack in UP Lakhimpur)
યુપીના લખીમપુર ખેરીમાં એક સિનેમા હોલમાં ગદર-2 ફિલ્મ જોવા ગયેલા એક યુવકનું હોલના ગેટ પર જ હાર્ટ એટેક આવતા મૃત્યુ થયું હતું. આ ઘટના ત્યાં લાગેલા સીસીટીવી કેમેરામાં કેદ થઈ ગઈ હતી. જણાવવામાં આવી રહ્યું છે કે યુવક પોલીસ સ્ટેશન સદર કોતવાલી વિસ્તારના દ્વારકાપુરી વિસ્તારનો રહેવાસી હતો. ખરેખર, અષ્ટક તિવારી (32 વર્ષ) શનિવારે સાંજે 7.50 વાગ્યે ગદર-2 ફિલ્મ જોવા ફન સિનેમા હોલમાં ગયો હતો. ફોન પર કોઈની સાથે વાત કરતી વખતે તે સિનેમા હોલના ગેટ પર પહોંચ્યો કે તરત જ તેનું હાર્ટ એટેકના કારણે મોત થયું.
Trending News
Trigger warning
न जाने कब मौत आ जाये! यूपी के लखीमपुर खीरी में फिल्म देखने गए युवक की हार्ट अटैक से मौत, CCTV में कैद हुई घटना. pic.twitter.com/lvp0ZQNRRA
— Utkarsh Singh (@UtkarshSingh_) August 27, 2023
સમગ્ર ઘટના CCTV કેમેરામાં કેદ
હોલમાં લાગેલા સીસીટીવી કેમેરામાં કેદ થયેલી આ ઘટનામાં સ્પષ્ટપણે જોઈ શકાય છે કે, કેવી રીતે તે ફોન પર વાત કરતી વખતે સીડીઓ પર ચડી રહ્યો છે અને તે દરમ્યાન અચાનક હાર્ટએટેક આવતા નીચે ઢળી પડે છે. ત્યાં હાજર લોકોએ તેને ઉભો કરવાનો પ્રયાસ કર્યો. પરંતુ ત્યાં સુધીમાં તેનું મોત થઈ ગયું હતું.
જિલ્લાના એડિશનલ એસપીનું નિવેદન હતું કે, સ્થળ પર હાજર ગાર્ડ અને બાઉન્સરે તેના ફોનથી જ પરિવારને જાણ કરી હતી. ઉતાવળમાં સંબંધીઓ સિનેમા હોલમાં પહોંચ્યા અને તેમને ખાનગી હોસ્પિટલમાં લઈ ગયા. જોકે, તબીબોએ તેને મૃત જાહેર કર્યો હતો. ઘટનાની જાણ થતાં જ પોલીસ ત્યાં પહોંચી હતી અને સીસીટીવી ફૂટેજ સ્કેન કરવાનું શરૂ કર્યું હતું. આ મામલે જિલ્લાના એડિશનલ એસપી નૈપાલ સિંહે જણાવ્યું કે, યુવક ફિલ્મ જોવા ગયો હતો. ત્યાં તેમનું મૃત્યુ થયું. આ મામલે તપાસ કરવામાં આવી રહી છે.
અત્રે ઉલેખનીય છે કે, થોડા દિવસ પહેલા જ કાનપુરમાં ફિલ્મ ગદર-2 જોતી વખતે સિનેમા હોલની અંદર હંગામો થયો હતો. આ મામલો સાઉથ એક્સ મોલના પીવીઆર સિનેમા હોલનો હતો. આ ઘટનાની શરૂઆત સિનેમા હોલમાં AC ખરાબ હોવાની ફરિયાદ સાથે થઈ હતી. ફિલ્મ જોવા આવેલા કેટલાક દર્શકોએ ઉનાળાની વચ્ચે સિનેમા હોલમાં AC ખરાબ હોવાની ફરિયાદ કરી હતી.
AC લાંબા સમય સુધી ઠીક ન થતાં પ્રેક્ષકોએ હોબાળો શરૂ કર્યો હતો. આ બાબતે બાઉન્સરો સાથે બોલાચાલી થઈ હતી. થોડી જ વારમાં ચર્ચા મારામારીમાં ફેરવાઈ ગઈ. બાઉન્સરોએ ઘણા દર્શકોને માર માર્યો હતો. જેના કારણે અમુક યુવકો ઘાયલ પણ થતા હતા. પોલીસ આવતાં જ બાઉન્સરો સ્થળ પરથી નાસી છૂટ્યા હતા. આ પછી લોકોએ ભારે હોબાળો મચાવ્યો અને સૂત્રોચ્ચાર કર્યા હતો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube