November 05, 2024
માતા(Mother) બનવાનું દરેક સ્ત્રીનું સપનું હોય છે. તે પણ ઈચ્છે છે કે તેના બાળકો (Children)ની કીકલારીઓ ઘરમાં સંભળાય. આવી સ્થિતિમાં જો કોઈને જોડિયા બાળકો(Twins) થાય તો તેની ખુશી બેવડાઈ જાય છે. પરંતુ ક્યારેક આવા ચમત્કાર પણ થાય છે જ્યારે એક મહિલા એક સાથે ચાર બાળકોને જન્મ આપે છે. આવો જ એક ચોંકાવનારો કિસ્સો મધ્યપ્રદેશ (Madhya Pradesh)ના બાલાઘાટ(Balaghat) જિલ્લા હોસ્પિટલ (District Hospital)માં સામે આવ્યો છે.
23 મેના રોજ જિલ્લા હોસ્પિટલ બાલાઘાટમાં કિરણાપુર તહસીલના જરાહી ગામની 26 વર્ષીય પ્રીતિ નંદલાલ મેશરામે એક સાથે 4 બાળકોને જન્મ આપ્યો છે. જેમાં ત્રણ છોકરા અને એક છોકરીનો સમાવેશ થાય છે. ચારેય બાળકો સ્વસ્થ છે. બાલાઘાટ જિલ્લામાં આ પ્રકારનો પ્રથમ કેસ છે.
Trending News
સિવિલ સર્જન કમ હોસ્પિટલના અધિક્ષક ડૉ. સંજય ધાબરગાંવએ જણાવ્યું કે 23 મેના રોજ જરાહીની પ્રીતિ નંદલાલ મેશરામે ઓપરેશન દ્વારા 4 બાળકોને સફળતાપૂર્વક જન્મ આપ્યો છે. ડો.રશ્મિ વાઘમારે અને એનેસ્થેસિયાના નિષ્ણાત ડો.દિનેશ મેશ્રામ, સ્ટાફ સિસ્ટર સરિતા મેશ્રામ અને તેમની કુશળ ટીમ, ટ્રોમા યુનિટની નિષ્ણાત ટીમમાં સમાવિષ્ટ લોકો દ્વારા 26 વર્ષની પ્રીતિ નંદલાલ મેશ્રામનું ઓપરેશન કરવામાં આવ્યું હતું.
જેમાં એકસાથે 4 બાળકોનો જન્મ થયો છે. જેમાં ત્રણ છોકરા અને એક છોકરીનો સમાવેશ થાય છે. ચારેય બાળકોને જિલ્લા હોસ્પિટલના સઘન સંભાળ એકમમાં દાખલ કરવામાં આવ્યા છે. હાલ ચારેય બાળકો સ્વસ્થ છે અને તેમને કોઈપણ પ્રકારની સમસ્યા નથી.
બાળરોગ નિષ્ણાત ડૉ. નિલય જૈન સમજાવે છે કે એક કરતાં વધુ બાળકોની ડિલિવરી સાથેના ઑપરેશન એટલા સરળ નથી. તેમાં ઘણાં જોખમ અને પડકારનો સમાવેશ થાય છે. ત્યારે આ કેસમાં મહિલાએ એક સાથે 4 બાળકોને જન્મ આપ્યો છે. તો ટીમે શાનદાર કામ કર્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.