November 24, 2024
નેપાળ(Nepal)માં અચાનક બરફથી ઢંકાયેલો પહાડ તૂટી પડ્યો, ભયાનક હિમપ્રપાત અને જીવ બચાવીને ભાગી રહેલા લોકોનો ભયાનક વીડિયો સોશિયલ મીડિયા(Social media) પર ઝડપથી વાયરલ થઈ રહ્યો છે. આ વીડિયોમાં જોવા મળી રહ્યું છે કે કેવી રીતે અચાનક બરફથી ઢંકાયેલો પહાડ પત્તાની જેમ પડી રહ્યો છે અને આ જોઈને લોકો પોતાનો જીવ બચાવીને ભાગી રહ્યા છે. નેપાળના મસ્તાંગમાં એક બરફથી ઢંકાયેલો પહાડ, જેના પર થીજી ગયેલા બરફના ખડકો અચાનક ઝડપથી નીચે પડવા લાગ્યા અને આ જોઈને નીચે ઊભેલા લોકોની ચીસો નીકળી ગઈ. આ વીડિયો ઘણો ડરામણો લાગે છે. હિમસ્ખલન(Avalanche)ની આ ઘટનામાં 11 લોકો ઘાયલ(11 people injured) થયા છે.
14 નવેમ્બરના રોજ @mountaintrekking દ્વારા Instagram પર શેર કરવામાં આવેલ વિડિયો, જેમાં Mustang માં Mount Tukuche થી હિમપ્રપાતનો વિડિયો પર્વતની ટોચ પરથી ઝૂમ કરાયેલા કેમેરા વડે લેવામાં આવ્યો છે. વિડીયોમાં સ્પષ્ટ પણે જોઈ શકો છો કે લોકો પોતાનો જીવ બચાવવા માટે દોટ મૂકી રહ્યા છે.
View this post on Instagram
Trending News
સોશિયલ મીડિયા પર વાયરલ થઈ રહેલા વિડિયોમાં ઘણા લોકોની ચીસો સાંભળી શકાય છે અને ઘણા લોકો પોતાનો જીવ બચાવવા દોડતા જોઈ શકાય છે કારણ કે આઇસબર્ગ ઝડપથી નીચે આવી રહ્યા છે. વીડિયોમાં આ દ્રશ્ય ડરામણું લાગે છે.
સમાચાર એજન્સી એએનઆઈએ મુખ્ય જિલ્લા અધિકારી નેત્ર પ્રસાદ શર્માને ટાંકીને જણાવ્યું હતું કે, 30 મિનિટ સુધી ચાલેલી સ્નો સ્લાઇડમાં સાત વિદ્યાર્થીઓ સહિત 11 લોકો ઘાયલ થયા છે. અધિકારીએ કહ્યું, ‘લોકોને સુરક્ષિત સ્થાનો પર ખસેડવામાં આવ્યા છે. તેમણે જણાવ્યું કે 30 મિનિટ સુધી હિમવર્ષા ચાલુ રહી. ઘાયલોમાં મોટાભાગના સ્થાનિક શાળાના વિદ્યાર્થીઓ છે. જનદર્શન અમરસિંહ હાઈસ્કૂલમાં અકસ્માત સર્જાયો હતો. આ દરમિયાન શાળામાં વર્ગો ચાલુ હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.