સુરતમાં લાખો રૂપિયાનો ગાંજો ઘૂસે એ પહેલા જ પોલીસે પકડી પડ્યો માસ્તર માઈન્ડ ટોળકીનો ખેલ

સુરત(ગુજરાત): અમદાવાદ(Ahmedabad)ની NCB અને સચિન(Sachin) પોલીસે સંયુક્ત ઓપરેશનમાં ઓરિસ્સા(Orissa)ના ગંજમ જિલ્લામાંથી 33 કલાકમાં 1616 કિમીનું અંતર કાપીને સુરત(Surat)માં ગાંજા સપ્લાય કરતી ટ્રકના ડ્રાઈવર સહિત છ લોકોની ધરપકડ કરી છે. ઓરિસ્સાના ડ્રગ ડીલર રાકેશને વોન્ટેડ જાહેર કરવામાં આવ્યો છે. રાકેશ(Rakesh)ના કહેવા મુજબ ડ્રાઈવર સુરતમાં અન્ય વેપારીઓને ગાંજો સપ્લાય કરવાનો હતો. મહારાષ્ટ્ર(Maharashtra)માંથી પસાર થતી ટ્રકમાં ડ્રાઇવરની કેબિન પાછળ એક ચોરખાનું મળી આવ્યું હતું. જેમાંથી 724 કિલો ગાંજાના 243 પેકેટ મળી આવ્યા હતા.

શંકા ન જાય તે માટે ટ્રકનો પાછળનો ભાગ ખાલી હતો. પોલીસ દ્વારા રૂ.72.40 લાખની કિંમતનો ગાંજો અને રૂ.15 લાખની ટ્રક તેમજ 3 લાખની કિંમતના ફોર વ્હીલર મળીને કુલ 90.40 લાખથી વધુનો મુદ્દામાલ કબજે કરવામાં આવ્યો છે. મહારાષ્ટ્રના નાસિકનો હેમરાજ ઠાકરે ઓરિસ્સાના ગંજામ જિલ્લામાંથી ટ્રકમાં ગાંજા લાવ્યો હતો અને તેની સાથે ફરહાન પઠાણ ટ્રકમાં બેઠો હતો.

આ ઉપરાંત અરુણ ગૌડા અને ફારૂક શેખ અને તેનો પુત્ર સાબીર શેખ અને ફારૂકની સાળીનો છોકરો શકીલ શેખ ડસ્ટર કારમાં ગાંજો લેવા આવ્યા હતા. સચિન પોલીસ દ્વારા બુધવારે સવારે અમદાવાદ NCB સાથે સંયુક્ત ઓપરેશન હાથ ધરવામાં આવ્યું હતું. કાર ફારુક શેખના જમાઈની હોવાનું સામે આવ્યું છે. ધરપકડ કરાયેલા લોકોમાં ગાંજાના પાંચ સપ્લાયર અને એક ડ્રાઈવરનો સમાવેશ થાય છે.