બાળકનું નામ રાખતા પહેલા આ વાતનું ધ્યાન રાખશો તો થશે આ ફાયદા. જાણો અહીં

બાળક જન્મે પછી દરેક માતા-પિતાને એ મૂંઝવણ થાય છે કે તેમના સંતાનનું નામ શું રાખવું? આ માટે ક્યારેક તેઓ સ્નેહીઓ કે મિત્રોને ફોન કરે છે. તો ક્યારેક તેઓ બ્રાહ્મણોને એ માટે પૂછે છે. પરંતુ કેટલાક માતા-પિતા એવું કરવામાં વધુ ગૂંચવાય છે અને છેલ્લે બાળકનું નામ રાખવામાં ગોથું ખાઈ જાય છે. આ કારણે બાળકે ભવિષ્યમાં અનેક મુશ્કેલીઓનો સામનો કરવો પડી શકે છે. માતા-પિતાની એ જ મૂંઝવણના ઉકેલ લઈને અમે આવ્યા છીએ, તો ચાલો નજર કરીએ એવી કેટલીક બાબતો પર જે બાબતો બાળકનું નામ રાખતી વખતે ખાસ ધ્યાનમાં રાખવી જોઈએ.

સૌથી પહેલી બાબત તો એ કે બાળનું નામ હંમેશાં નાનું રાખવું, જેથી તેના ઉચ્ચારણમાં કોઈ તકલીફ ન આવે. કેટલાક નામોનાં ઉચ્ચારણ વિચિત્ર થવાને કારણે ઘણી વખત બાળકનાં ખોટા નામ પડી જતા હોય છે, જેને કારણે બાળક હંમેશાં બીજાની મજાકનો ભોગ બને છે.

બીજી એક બાબતનું એ ધ્યાન રાખવું કે બાળકનું નામ અર્થપૂર્ણ હોય. અર્થ વિનાનાં નામને કારણે ઘણી વાર બાળકો હંસીને પાત્ર બનતા હોય છે. આ ઉપરાંત બાળકનું નામ સરળ હોય એનું પણ ધ્યાન રાખવું. બોલવામાં મુશ્કેલ હોય એવા નામ ક્યારેક યાદ પણ નથી રહેતા.