April 28, 2024
ક્રુઝ ડ્રગ્સ કેસમાં મુંબઈની આર્થર રોડ જેલ (Arthur Road Jail, Mumbai) માં બંધ આર્યન ખાન (Aryan Khan) ને 26 દિવસ બાદ જામીન મળી ગયા છે. શાહરૂખ (Shah Rukh) નો જન્મદિવસ 2જી નવેમ્બરે છે. જેથી કોર્ટના આ આદેશને શાહરૂખ માટે એડવાન્સ બર્થડે ગિફ્ટ ગણી શકાય. તે પોતાના પુત્ર આર્યન સાથે પોતાનો જન્મદિવસ ઉજવી શકશે.
આર્યન ઉપરાંત મુનમુન ધમીચા અને અરબાઝ મર્ચન્ટને પણ કોર્ટે જામીન આપ્યા છે. જો કે હાલ કોર્ટમાંથી આદેશની નકલ ન મળવાના કારણે ત્રણેયને શુક્રવાર અથવા શનિવાર સુધીમાં છોડી મુકવામાં આવશે. આર્યનને 2 ઓક્ટોબરના રોજ કસ્ટડીમાં લેવામાં આવ્યો હતો. 3 ઓક્ટોબરના રોજ ધરપકડ કરવામાં આવી હતી અને 7 ઓક્ટોબરના રોજ તેને ન્યાયિક કસ્ટડીમાં લેવામાં આવ્યો હતો.
NCB જામીનનો વિરોધ કરે છે:
ગુરુવારે બોમ્બે હાઈકોર્ટમાં બપોરે 3 વાગ્યે સુનાવણી શરૂ થઈ. સાંજે લગભગ 4.45 વાગ્યે, કોર્ટે આ મામલે પોતાનો ચુકાદો આપ્યો. આરોપીના જામીનનો વિરોધ કરતા એડિશનલ સોલિસિટર જનરલ (ASG) અનિલ સિંહે NCB વતી દલીલ કરી હતી, પરંતુ કોર્ટે આરોપીને જામીન આપ્યા હતા.
ASGએ કોર્ટને કહ્યું કે જો આર્યનને જામીન આપવામાં આવે તો પુરાવા સાથે ચેડાં થઈ શકે છે. આર્યન છેલ્લા કેટલાક સમયથી નિયમિત દવાઓ લે છે. રેકોર્ડ દર્શાવે છે કે તેઓ ઘણા લોકોને ડ્રગ્સ પૂરા પાડતા હતા. ડ્રગ્સના જથ્થા પરથી સ્પષ્ટ થાય છે કે તે ડ્રગ સ્મગલરોના સંપર્કમાં હતો.
Trending News
આર્યનના વકીલે એક દિવસ પહેલા રજૂઆત કરી હતી:
બુધવારે કોર્ટે કહ્યું હતું કે જો ASG 1 કલાકમાં દલીલ પૂરી કરે છે તો ગુરુવારે જ આ મામલે નિર્ણય લેવામાં આવશે. આ પહેલા બે દિવસની સુનાવણી દરમિયાન આર્યન ખાન, તેના મિત્ર અરબાઝ મર્ચન્ટ અને મુનમુન ધમીચાના વકીલોએ પોતાનો પક્ષ રજૂ કર્યો હતો.
સુનાવણી દરમિયાન આર્યન ખાનના વકીલ મુકુલ રોહતગીએ કોર્ટમાં કહ્યું કે, આર્યન ખાનની કસ્ટડી માટે કોઈ કારણ આપવામાં આવ્યું નથી. આ સાથે આર્યન પાસેથી ડ્રગ્સ પણ મળી આવ્યું નથી, જેથી તેની ધરપકડ સંપૂર્ણપણે ખોટી છે. મંગળવારે ચર્ચા દરમિયાન પૂર્વ એટર્ની જનરલ મુકુલ રોહતગીએ દલીલ કરી હતી કે, આર્યન ખાન નાનો છોકરો છે, તેથી તેને જેલને બદલે સુધારક ગૃહમાં મોકલવો જોઈએ.
ક્રુઝ શિપમાંથી NCB એ કરી હતી ધરપકડ:
NCB અધિકારીઓએ ક્રુઝ શિપ પાર્ટી પર દરોડા પાડ્યા બાદ 23 વર્ષીય આર્યનની 3 ઓક્ટોબરે ધરપકડ કરવામાં આવી હતી. હાલમાં આર્યન અન્ય આરોપી અરબાઝ મર્ચન્ટ સાથે આર્થર રોડ જેલમાં બંધ છે. જ્યારે મુનમુન ધમીચા ભાયખલા મહિલા જેલમાં છે. જો કાયદાકીય નિષ્ણાતોનું માનવું હોય તો ન્યાયાધીશે સમયની અછતને ટાંકીને અથવા રજૂ કરેલા પુરાવા અને અન્ય દસ્તાવેજો વાંચવા માટે સમય કાઢ્યો. આ કિસ્સામાં નિર્ણય અનામત રાખી શકાય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
