November 24, 2024
પાટણ(ગુજરાત): ગઇકાલે રાત્રે પાટણ(Patan) શહેરના પારેવા સર્કલ(Pareva Circle) પાસે બે રખડતા આખલા વચ્ચે શિંગડાંયુદ્ધ જામ્યું હતું. જાણવા મળ્યું છે કે, આ વિસ્તારના રહીશો સહિત માર્ગ પરથી પસાર થતા વાહનચાલકો અને રાહદારીઓમાં અફરાતફરીનો માહોલ સર્જાયો હતો. જોકે કેટલાક નવ યુવાનોએ ધોકા, લાકડી અને પાણીનો મારો ચલાવી બંને આખલાઓને છૂટા પાડી ભગાડતાં લોકોએ રાહતનો સ્વાસ લીધો હતો.
View this post on Instagram
જણાવી દઈએ કે, પાટણ શહેરમાં રખડતાં ઢોરનો ત્રાસ ઘણો વધી ગયો છે. ત્યારે રખડતાં ઢોરો દ્વારા માર્ગ વચ્ચે અવારનવાર જામતા યુદ્ધને કારણે અનેક રાહદારીઓ સહિત વાહનચાલકો એનો ભોગ બની ઇજાગ્રસ્ત બનવાની સાથે સાથે મૃત્યુ પામતા હોવાના કિસ્સા પણ સામે આવ્યા છે.
Trending News
તેમ છતાં નગરપાલિકાના નઘરોળ વહીવટી તંત્ર દ્વારા રખડતાં ઢોરોને તાબે કરવાની કોઈ કાર્યવાહી હાથ ધરવામાં નહિ આવતા પાલિકાના સત્તાધીશો વિરુદ્ધ શહેરીજનો રોષ ઠાલવતા જોવા મળે છે. ત્યારે રખડતાં ઢોરોના ત્રાસમાંથી શહેરીજનોને મુક્ત કરવા પાલિકાના સત્તાધીશો તાત્કાલિક ધોરણે ઝુંબેશ હાથ ધરે આવે તેવી માંગ શહેરીજનોમાં પ્રબળ બનવા પામી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.