સુરતમાં આ જાણીતી શાળાની બાજુમાંથી પકડાયું કૂટણખાનુ- સ્પાની આડમાં થઇ રહ્યું હતું એવું કે…

સુરત(Surat): શહેરમાં સ્પા(Spa) અને મસાજ પાર્લર(Massage Parlour)ની આડમાં દેહવ્યાપારના ધંધા(Prostitution businesses) ધમધમી રહ્યાં છે. નવાઈની વાત તો એ છે કે, શહેરના મોટા ભાગના વિસ્તારમાં શાળા અને ટ્યૂશન ક્લાસીસની પાસે જ દેહવ્યાપારનો વેપલો ચાલી રહ્યો છે. ત્યારે હાલમાં જ પોલીસની એન્ટી હ્યુમન ટ્રાફિક યુનિટ દ્વારા શહેરના અડાજણ(Adajan) વિસ્તારના આનંદ મહલ રોડ(Anand Mahal Road) પરથી જાણીતી શાળાની બાજુમાંથી કુટણખાનું ઝડપી પાડવામાં આવ્યું છે.

મળતી માહિતી અનુસાર, પોલીસની એન્ટી હ્યુમન ટ્રાફિક યુનીટને અડાજણ આનંદ મહલ રોડ પર એસ્કોન પ્લાઝામાં બ્લુ હેવેન સ્પામાં ધમધમી રહેલું કુટણખાનું ચાલતુ હોવાની બાતમી મળી હતી. બાતમીના લીધે પોલીસ દ્વારા રેઈડ કરી સ્પા ના સંચાલક પરી વિક્રમકુમાર બર્ણવાલ, મેનેજર મિતેષ મુકેશભાઇ રાઠોડ તથા મનિષભાઇ ધીરુભાઇ મુંજાણીની ધરપકડ કરવામાં આવી હતી.

મહત્વનું છે કે, ગ્રાહકોને ઓનલાઈન પેમેન્ટ કરવાની સુવિધા સાથે ગુગલ પે અને પેટીએમ સ્કેનર પણ રાખવામાં આવ્યા હતા. પોલીસ દ્વારા કુલ 7690નો મુદ્દામાલ કબજે કર્યો હતો તથા 3 લલનાઓને મુક્ત કરવામાં આવી હતી.

અત્રે ઉલ્લેખનીય છે કે, એસ્કોન પ્લાઝા એ શહેરની જાણીતી ભુલકા ભવન શાળાની બાજુમાં આવેલું છે. આ પ્લાઝામાં સતત લોકોની અવરજવર રહેતી હોય છે અને અહીં ઉપર રહેણાંક મકાનો પણ છે. આવા વ્યસ્ત વિસ્તારમાં કુટણખાના ધમધમી રહ્યા હોય તે ખરેખર તો શહેર પોલીસ માટે ખુબ જ શરમની વાત કહી શકાય.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.