December 21, 2024
Youth death in Surat: સુરતમાં હજુ પણ ખડતા ઢોરોનો ત્રાસ ઓછો થયો નથી. કોર્પોરેશન દ્વારા સમયાંતરે ઢોરને પકડવાની કામગીરી કરવામાં આવી રહી છે, પરંતુ તેનું યોગ્ય પરિણામ આવી રહ્યું નથી. ફરી એકવાર સુરતના સારોલી વિસ્તારમાં રખડતા ઢોર રસ્તામાં આવી જતા બાઈક ચાલકનું મોત (Youth death in Surat) નીપજ્યું છે. જ્યારે એક ભાઈને હાથમાં ફ્રેક્ચર થયું છે. આ ઘટનાથી પરિવારમાં શોકનો માહોલ છવાઈ ગયો છે.
બે સગા ભાઈઓનો અકસ્માત
સુરતના ઈચ્છાપોર વિસ્તારમાં આવેલી અંકિત જેમ્સ ડાયમંડ ફેક્ટરીમાં કામ કરતા બે રત્નકલાકાર ભાઈઓ (તુષાર મિશ્રા મૃત્યુ પામનાર, ગૌરવ મિશ્રા ઈજાગ્રસ્ત) કામ પૂર્ણ કર્યા પછી પોતાના ઘરે પાછા ફરી રહ્યા હતા. તે દરમિયાન સારોલી રોડ ઉપર એકાએક જ રખડતું ઢોર રસ્તા ઉપર આવી ગયું હતું. બાઈક પર સવાર તુષાર નામનો યુવક કઈ સમજે તે પહેલા જ તેમની ટક્કર ઢોર સાથે થઈ ગઈ હતી. પરિણામે નીચે પટકાતા તુષારનું સારવાર દરમિયાન મોત નીપજ્યું હતું, તેમજ એક ભાઈને હાથમાં ફ્રેક્ચર થયું છે.
Trending News
પરિવાર પર આભ તૂટી પડ્યો
મધ્યમ વર્ગના પરિવારના બે સગા ભાઈઓનો અકસ્માત થતા પરિવાર ઉપર જાણે આભ તૂટી પડ્યું છે. કટલરીનો બિઝનેસ કરતા પિતાને સમાચાર મળતા તેમના પગના નીચેથી જમીન સરકી ગઈ હતી. તુષારનો અચાનક અવસાન થતા પરિવારના લોકોમાં પણ શોકમાં ડૂબી ગયા હતા. દિવાળી પહેલા આ બનેલી ઘટનાથી સમગ્ર ઓલપાડ પંથકમાં શોકનો માહોલ છવાઈ ગયો હતો.
ઢોર પકડવાની કામગીરીમાં નિષ્ફળ
બંને ભાઈઓ એક જ ડાયમંડ ફેક્ટરીની અંદર કામ કરતા હતા. બંને ભાઈઓ કામ પૂર્ણ કરીને પોતાના ઘરે રાબેતા મુજબ પાછા ફરી રહ્યા હતા. ત્યારે આ ઘટના બની હતી. રખડતા ઢોરને કારણે કેટલાય માસુમ લોકોએ પોતાનો જીવ આ રીતે જઈ રહ્યા છે. કોર્પોરેશન દ્વારા ઢોર પકડવાની કામગીરી કરવામાં આવી રહી છે, પરંતુ યોગ્ય રીતે અલગ અલગ વિસ્તારોમાં ઝડપથી આ કામગીરી કરવામાં તેઓ નિષ્ફળ જઈ રહ્યા છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube