વસંત પંચમીના દિવસે ન કરવા જોઈએ આ કામ, માતા સરસ્વતી થઇ જશે નારાજ

આજનો વસંતપંચમીનો દિવસ જ્ઞાનની દેવી માતા સરસ્વતીને સમર્પિત છે. આ દિવસે માતા સરસ્વતીની પૂજા કરવામાં આવે છે.માન્યતા છે કે વસંત પંચમીના દિવસે માતા સરસ્વતીની પૂજા કરવાથી બુદ્ધિ અને જ્ઞાન વધે છે. વસંતપંચમીના દિવસે સ્નાનનું પણ ખાસ મહત્વ માનવામાં આવે છે. આ વખતે વસંત પંચમી ૨૯ મી જાન્યુઆરીના રોજ છે.

આ દિવસથી વસંત ઋતુની શરૂઆત પણ થઈ જાય છે. વસંત પંચમીના દિવસે માતા સરસ્વતીની વિશેષ પૂજા-અર્ચના કરવામાં આવે છે. આજના દિવસે કેટલાક કાર્યોને વર્જિત માનવામાં આવે છે. એટલા માટે કેટલીક વસ્તુઓ ભુલથી પણ ન કરવી જોઈએ.

આ દિવસે ભૂલથી પણ કાળા અને લાલ રંગના કપડા ન પહેરવા જોઈએ. વસંત પંચમીના દિવસે પીળા રંગના કપડાં પહેરવાનું વધારે મહત્વ હોય છે.

આ દિવસે માસ માછલીથી દૂર રહેવું જોઈએ. ફક્ત સાત્વિક ભોજન જ કરો. વસંત પંચમીના દિવસે દારૂનું સેવન ન કરવું જોઈએ.

વસંત પંચમી પાક અને હરિયાળી નો તહેવાર છે.એટલા માટે આ દિવસે વૃક્ષ કે પાક ન કાપવો જોઈએ. ઘરમાં રહેલા છોડને પણ કોઇ પ્રકારનું નુકસાન ન કરવું જોઈએ.

વસંતપંચમીના દિવસે સ્નાન કર્યા વગર કોઈપણ કાર્ય ન કરો.સવારે ઊઠીને સૌથી પહેલા સ્નાન કરી માતા સરસ્વતીની પુરા વિધિ-વિધાનથી પૂજા કરો અને ત્યારબાદ જ કશુંક અન્ન ગ્રહણ કરો.