કોરોનાનો કહેર ફેલાવનાર ચાઈનામાં વધુ એક ખતરનાક વાઇરસે કરી એન્ટ્રી- જાણો કેવો છે ખતરો

કોરોના વાયરસના મારથી ઝઝૂમી રહેલા ચીનના યુનાન પ્રાંતમાં એક વ્યક્તિનું સોમવારે હંટા વાયરસ થી મોત થઇ ગયું છે. પીડિત વ્યક્તિ કામ કરવા માટે બસમાં શાડોંગ પ્રાંતમાં પરત આવી રહ્યો હતો. તે હંટા વાયરસથી પોઝિટિવ હતો. તે બસમાં મુસાફરી કરી રહેલા 32 અન્ય લોકોનું પણ સ્વાસ્થ્ય ચકાસવામાં આવ્યું હતું. ચીનના સરકારી સમાચાર પત્ર ગ્લોબલ ટાઇમ્સે આ ઘટનાની જાણકારી આપ્યા બાદ સોશિયલ મીડિયા પર ડરનો માહોલ ફેલાઈ ગયો હતો.મોટી સંખ્યામાં લોકો ટ્વિટ કરી આ ડર વ્યક્ત કરી રહ્યા છે કે ક્યાંક વાયરસની જેમ આ પણ એક મહામારી ન બની જાય.લોકો કહી રહ્યા છે કે જો ચીનના લોકો જનાવરોને જીવતા ખાવાનું બંધ નહીં કરે તો આવું થતું જ રહેશે. શિવમ લખે છે કે, ચીની લોકો હવે વધુ એક મહામારીના પરિયોજના ઉપર કામ કરી રહ્યા છે. આ હંટા વાયરસ ઉંદરને ખાવાથી થાય છે. સોશિયલ મીડિયા પર ચાલી રહેલ આ વાતચીત વચ્ચે આવો જાણીએ કે હંટા વાયરસ શું છે અને તે કોરોના ની જેમ ઘાતક છે?

જાણો શું છે હંટા વાયરસ?

વિશેષજ્ઞોનું માનવું છે કે કોરોના વાયરસની જેમ હંટા વાયરસ ઘાતક નથી. કોરોનાથી વિરુદ્ધ આ હવા દ્વારા ફેલાતો નથી. આ ઉંદર કે ખિસકોલી ના સંપર્કમાં મનુષ્યના આવવાથી જ ફેલાય છે. સેન્ટર ફોર ડિસીઝ કંટ્રોલ એન્ડ પ્રિવેન્શનના જણાવ્યા અનુસાર ઉંદરોના ઘરમાં રહેવાથી કે બહાર નીકળવા થી કે અવર જવર કરવાથી હંટા વાયરસના સંક્રમણનો ભય રહે છે.ત્યાં સુધી કે જો કોઈ સ્વસ્થ વ્યક્તિ પણ તે હંટા વાયરસના સંપર્કમાં આવે છે તેઓ તે તેનાથી સંક્રમિત થવાનો ભય રહે છે.