નવ્યા ચેરીટેબલ ટ્રસ્ટે તક્ષશિલા અગ્નિકાંડમાં ઘવાયેલાને ઘર સુધી પહોચાડ્યું EWS પ્રમાણપત્ર- વાંચો અહી

બિન અનામત કેટેગરીના વિદ્યાર્થીઓ ને બિન અનામત વર્ગ ના દાખલા અને ઇડબલ્યુએસ સર્ટીફીકેટ કઢાવવા ની કામગીરી પૂરજોશમાં તંત્ર દ્વારા ચાલી રહી છે, પરંતુ તાજેતરમાં જ સુરતના સરથાણા વિસ્તારમાં તક્ષશીલા કોમ્પ્લેક્ષ માં લાગેલી આગ માં ઇજાગ્રસ્તો બાળકો આ સર્ટિફિકેટ કઢાવવા હજી સુધી જઈ શક્યા નથી. જે વાતની જાણ નવ્યા એજ્યુકેશન ચેરીટેબલ ટ્રસ્ટના કાર્યકરોને થઈ..

નવ્યા એજ્યુકેશન ચેરીટેબલ ટ્રસ્ટ અને લોક ઉત્કર્ષ ચેરીટેબલ ટ્રસ્ટના કાર્યકરો દ્વારા તક્ષશિલા અગ્નિકાંડમાં ગંભીર રીતે ઘાયલ થયેલા વિદ્યાર્થીઓ નો સંપર્ક કરવામાં આવ્યો અને જરૂરીયાત મંદ જણાતા વિદ્યાર્થીઓને ઘરેથી મામલતદાર કચેરીએ જવાની તકલીફ ના લેવી પડે તે માટે ડેપ્યુટી મામલતદાર મયુરભાઈ પ્રજાપતિ અને બોઘરા સાહેબ સાથે યોગ્ય સંકલન કરીને આ વિદ્યાર્થીઓને પોતાના ઘરે આ જરૂરી પ્રમાણપત્રો મળી રહે તેવું આયોજન કરવામાં આવ્યું. હાલમાં અતિ ગંભીર રીતે ઘાયલ એવા દર્શન ઢોલા નામના વિદ્યાર્થીને આ પ્રમાણપત્ર ઘર સુધી મળી ચૂક્યું છે અને બીજા વિદ્યાર્થીઓને પણ આવનાર દિવસોમાં ઘર સુધી પ્રમાણપત્ર મળી રહેશે.