યુવકે કરી મહિલાની છેડતી, તો જજે રક્ષાબંધનના દિવસે જામીન માટે એવી શરતો મૂકી કે…

રક્ષાબંધનનાં તહેવારને સમગ્ર દેશમાં ઉજવવામાં આવે છે. આ દરમિયાન મધ્યપ્રદેશમાંથી એક ઘટના સામે આવી છે, જ્યાં છેડતીના આરોપીને ઈન્દોર હાઇકોર્ટે જામીન પર મુક્ત પણ કરી દીધો છે. હાઈકોર્ટનાં આદેશમાં કહેવામાં આવ્યું છે, કે આરોપી રક્ષાબંધન પર પીડિતાનાં ઘરે જશે તેમજ તેની સાથે રાખડીને બાંધીને તેનાં બચાવનું વચન પણ આપશે.

સમગ્ર મામલો ઉજ્જૈનનાં ખાચરોદ નજીકનો છે, જ્યાં આરોપી પર એપ્રિલ મહિનામાં બપોરનાં 2 વાગ્યે પાડોશમાં રહેતી એક મહિલાનાં ઘરે જઈને છેડતી કરવાનો આરોપ મૂકયો હતો. ઉજ્જૈન જીલ્લાનાં પોલીસ સ્ટેશન ભાટપચલાણામાં FIR નોંધાયા પછી આરોપીને પોલીસે પકડીને લઇને ખાચરોદની કોર્ટમાં રજૂ પણ કર્યો હતો.

ત્યારપછી આરોપીને ખાચરોડની કોર્ટે જેલમાં પણ મોકલી આપ્યો હતો. આરોપીએ જિલ્લા અદાલતમાં જામીન માટેની અરજી પણ કરી હતી, જેને રદ કરવામાં આવી હતી. ત્યારબાદ આરોપીઓએ ઈન્દોર હાઇકોર્ટમાં જામીન માટેની અરજી કરી હતી તેમજ હાઇકોર્ટનાં જસ્ટિસ રોહિત આર્યની સિંગલ બેંચે આ આદેશ આપ્યો હતો.

પોલીસે આરોપીને એ શરત પર જેલમાંથી મુકત કરી હતી, કે એ મહિલાને રક્ષાબંધન પર રાખડી બાંધીને તેનું રક્ષણ કરવાનું વચન આપશે તેમજ તેનાં વળતર તરીકે પીડિતની થાળીમાં કુલ 11,000 રૂપિયા પણ મૂકશે. આટલું જ નહીં, એ મહિલાના બાળકને પણ ભેટ તરીકે કુલ 5,000 રૂપિયા પણ આપશે.