હવે આ રીતે ઘરેબેઠા જ ચેક કરો ‘ઘી’ અસલી છે કે ભેળસેળ વાળું? તરત ખબર પડી જશે

ઘી(Ghee) એ સારા સ્વાસ્થ્ય(Health) માટે ખુબ જ ફાયદાકારક માનવામાં આવે છે. ભારતમાં(India) પણ ઘીનો વપરાશ ખૂબ જ વધારે છે, તે ગામડાઓથી(Villages) લઈને શહેરોમાં(Cities) પણ ખૂબ જ ખાવામાં આવે છે. તે માત્ર અદ્ભુત સ્વાદ(Awesome taste) માટે જ નહિ પરંતુ સ્વાસ્થ્ય માટે પણ ખુબ જ ફાયદાકારક માનવામાં આવે છે. ઘીમાં સારા કોલેસ્ટ્રોલની હાજરીને કારણે હૃદયને નુકસાન થતું નથી.

વાસ્તવિક ઘી કેવી રીતે ઓળખવું?
આજકાલ કોઇપણ વસ્તુઓમાં ભેળસેળ થતી જ હોય છે. એવામાં ભારતમાં ઘીની માંગ ઘણી વધારે હોવાથી બજારમાં ભેળસેળયુક્ત ઘી મળે છે, જો આ ભેળસેળયુક્ત ઘી ખાવામાં આવે તો તે હૃદયના સ્વાસ્થ્ય માટે હાનિકારક સાબિત થઈ શકે છે. સૌથી મહત્વની વાત એ છે કે ઘરે તેનો ઉપયોગ કરતા પહેલા તમારે કેટલાક મહત્વપૂર્ણ ટેસ્ટ દ્વારા અસલી અને નકલી ઘીની ઓળખ કરી લેવી જોઈએ.

1. હથેળી પર ઓળખો:
તમારી હથેળી પર થોડું ઘી રાખો, થોડી વાર પછી જો તે ઓગળવા લાગે તો તે શુદ્ધ છે. જો તેનાથી બહુ ફરક ના પડે તો સમજવું કે તે નકલી છે.

2. ઘીને જોઈને ઓળખો:
આ સિવાય તમે શુદ્ધ દેશી ઘીને તેના રંગથી પણ ઓળખી શકો છો, તેની સુગંધ પણ તેની શુદ્ધતાની સાક્ષી આપે છે. શુદ્ધ ઘીનો રંગ આછો પીળો હોય છે અને સફેદ ભાગ નીચે સ્થાયી થઈ જાય છે. ઘણા ભેળસેળ કરનારાઓ વધુ નફો મેળવવા માટે તેમાં સસ્તું તેલ ભેળવે છે.