November 26, 2024
Ahir youth Ashish murder case in Rajkot: રાજ્યમાં છેલ્લા ઘણા સમયથી અંગત અદાવતમાં આવીને મારામારી અને હત્યાની ઘટનાઓ સામે આવતી રહે છે. બેફામ બનેલા ટપોરીઓને જાણે ખાખીનો ડર જ ના રહ્યો હોય તેવી રીતે જાહેરમાં જ કોઈને પણ મોતને ઘાટ ઉતારતા જરા પણ અચકાતા નથી. તેમાં પણ ખાસ કરીને સુરત, અમદાવાદ અને રાજકોટમાંથી છેલ્લા ઘણા સમયથી હત્યાની ઘટનાઓમાં સતત વધારો થઈ રહ્યો છે.
રાજકોટના ઉપલેટામાં માત્ર વિડીયો બનાવવા જેવી નજીવી બાબતે બોલો ચાલે થયા બાદ મિત્રએ જ મિત્રને 19 જેટલા છરીના ઘા ઝીંકીને નિર્મમ હત્યા કરી હોવાની ઘટના સામે આવી છે. ઉપલેટા વિસ્તારમાં હત્યાની ઘટના સામે આવતા સમગ્ર રાજકોટમાં ચકચાર મચી જવા પામી છે. રાજકોટ પોલીસે હત્યા કરનાર આરોપીની ધરપકડ કરી લીધી છે અને વધુ તપાસ હાથ ધરી છે.
મળતી માહિતી અનુસાર, જીમમાં જતાં બે યુવકો વચ્ચે રિલ્સ બનાવી અપલોડ કરવા બાબતે તકરાર થઈ હતી. શનિવારે રાત્રે 29 વર્ષીય આશિષ નાથાભાઈ ભાદરકા નામના યુવકને તેમના જીવનમાં સાથે આવતા ૧૯ વર્ષે યુવક કોળી વિનય ઉર્ફે સુજુ હિતેશ ધામેચા સાથે રિલસ બનાવવા બાબતે માથાકૂટ થઈ હતી. અવાજ યાદ રાખીને ગત 15 તારીખ ના રોજ વિનયે આશિષ પર ફરીથી હુમલો કરી દીધો અને છાતી તેમજ પેટના ભાગે 19 જેટલા છરીના ઘા ઝીંકી દીધા હતા.
Trending News
આશિષને લોહીલુહાણ હાલતમાં તાત્કાલિક સરકારી હોસ્પિટલમાં લઈ જવામાં આવ્યો હતો પરંતુ ત્યાં તબીબો દ્વારા તેને મૃત જાહેર કરાયો. મૃતક આશિષ ના પિતાએ જણાવ્યું કે તેને 29 વર્ષ એક દીકરો અને 32 વર્ષીય એક દીકરી છે. બંને હજુ અપરણિત છે તેઓ ફરસાણના ધંધા સાથે જોડાયેલા છે. સમગ્ર ઘટના અંગે ઉપલેટા પોલીસને જાણ કરવામાં આવી હતી. પોલીસે હાલમાં આરોપી વિનયની ધરપકડ કરી લીધી છે અને આ મામલે વધુ તપાસ હાથ ધરી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube