November 24, 2024
હાલમાં સમગ્ર ગુજરાતમાં કોરોનાના કેસમાં સતત ચિંતાજનક વધારો થઈ રહ્યો છે, ત્યારે વહીવટી તંત્ર દ્વારા પણ જીવલેણ વાઈરસના સંક્રમણને અટકાવવા માટે જરૂરી પગલા ભરવામાં આવી રહ્યાં છે. દેશમાં 31 મે બાદ અનલૉક લાગૂ કરવામાં આવ્યું છે. તેમ છતાં, કોરોના સંક્રમણથી બચવા માટે સોશિયલ ડિસ્ટન્સિંગ અને માસ્ક પહેરવા જેવા નિયમોનું પાલન કરાવવામાં આવી રહ્યું છે.
અમદાવાદમાં રોડ ઉપર લાગેલા 3000 કેમેરાની મદદથી કામગીરી શરૂ કરવામાં આવી છે. નિયમભંગ કરનાર 250 વાહન ચાલકોને ઇ મેમો ફટકારવામાં આવ્યો છે. થૂંકનાર અને માસ્ક ન પહેરનાર વાહન ચાલક પાસેથી રૂ 200નો દંડ વસુલવામાં આવી રહ્યો છે.
રાજ્યમાં અમદાવાદ શહેર અને વડોદરા શહેરમાં માસ્ક પહેર્યા વિના બહાર નીકળનારા લોકો પાસેથી દંડ વસૂલવા મામલે રકઝક થતી હોવાથી ટેક્નોલોજીનો ઉપયોગ કરવામાં આવી રહ્યો છે. ત્યારે રાજકોટ મહાનગરપાલિકાએ શહેરમાં માસ્ક પહેર્યા ન હોય તેવા વ્યક્તિઓ પાસે પહેલા 1000 રૂપિયા અને બાદમાં રાજ્ય સરકારની સૂચના આવતા 200 રૂપિયા દંડ વસૂલ કરે છે. દંડ વસૂલ કરવાની કામગીરીમાં રાજકોટ મહાનગરપાલિકાના વોર્ડ ઓફિસર સહિતના અધિકારીઓ સાથે માથાકૂટ થાય છે. મનપાએ માસ્કની રકમ વસૂલ કરવા માટે ટેક્નોલોજીનો ઉપયોગ શરૂ કર્યો છે. મનપાના અધિકારીઓ માસ્ક વગર નીકળ્યા હોય તેમના ફોટા પાડે છે અને માસ્ક વગર નીકળ્યા હોય તેમના ઘરે ઇ-મેમો મોકલી આપવાનું શરૂ કર્યું છે.
Trending News
1000 રૂપિયા દંડ વસૂલાત કરવાની શરૂઆત
રાજકોટ મ્યુનિસિપલ કમિશનર ઉદિત અગ્રવાલે રાજકોટમાં માસ્ક ફરજિયાત અંગે 12 એપ્રિલે જાહેરનામું પ્રસિદ્ધ કર્યું હતું અને 13 એપ્રિલથી માસ્ક વગર નીકળતા લોકો પાસેથી 1000 રૂપિયા દંડ વસૂલાત કરવાની શરૂઆત કરી હતી. ત્યાર બાદ રાજ્ય સરકારે 200 રૂપિયા દંડ વસૂલ કરવા સૂચના આપતા હાલ 200 રૂપિયા દંડ વસૂલ કરાય છે.
જેમાં દરરોજ સરેરાશ 100 થી વધુ લોકો માસ્ક વગર પડકાઇ છે. 26 મેના રોજ ઇસ્ટ ઝોનમાંથી 32, સેન્ટ્રલ ઝોનમાંથી 56 અને વેસ્ટ ઝોનમાંથી 63 લોકો માસ્ક વગર પકડાયા હતા. દંડ વસૂલ કરવાની કામગીરીમાં વાહનચાલકો દંડની રકમ આપવામાં આનાકાની કરે છે. અનેક વખત માથાકૂટ પણ થાય છે તો ક્યારેક વાહનચાલકના ખિસ્સામાં દંડ આપવા જેટલી રકમ પણ ન હોવાથી મનપાએ ઇ-મેમો આપવાનું નક્કી કર્યું છે. તે મુજબ અત્યાર સુધીમાં 397 લોકોને માસ્ક ન પહેવા બદલ ઇ-મેમો મોકલ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news