November 15, 2024
સુરતના કાપોદ્રામાં પોલીસ સ્ટેશનની પાછળ આવેલ મમતા પાર્ક સોસાયટી-2 માં મોપેડમાંથી સોનાના ઘરેણાંની બેગ કાઢતા વૃદ્ધના હાથમાંથી બાઇકર્સ બેગની ચીલઝડપ કરીને ભાગી ગયા હતા. બેગમાં 5.36 લાખ રૂપિયાના ઘરેણાં હતા. સમગ્ર ઘટના કેમેરામાં કેદ થઈ છે.
કાપોદ્રામાં મમતા પાર્ક સોસાયટી-2 માં રહેતા રણછોડ જાદવ લખાણી હાલ નિવૃત્ત છે. જેમની હાલ ઉમર 65 વર્ષની છે. રણછોડ ભાઈએ વરાછામાં મીની બજાર ખાતે સરદાર સેફમાં સોનાના ઘરેણાં રાખ્યા હતા. તેમના સંબંધીને ત્યાં લગ્ન પ્રસંગ હોવાથી મંગળવારના રોજ પત્નીની સાથે સેફમાં ઘરેણા લેવા ગયા હતા.
Trending News
તેઓ સોનાના ઘરેણાં બેગમાં મૂકી, તે બેગ મોપેડની ડિકીમાં મૂકી સાંજે ઘરે આવ્યા હતા. ઘરની બહાર મોપેડ પાર્ક કરીને ડિકીમાંથી બેગ કાઢતા હતા ત્યારે એક બાઇક પર આવેલા બે યુવકો રણછોડભાઈના હાથમાંથી બેગની ચીલઝડપ કરી નાસી ગયા હતા.
બેગમાં સોનાનું મગળસૂત્ર, સોનાની બંગડી, સોનાની ચુડી, સોનાના બે બ્રેસલેટ, સોનાની ચેઇન, પેન્ડલ, વીંટી સહિત 5.36 લાખ રૂપિયાના ઘરેણાં હતા. ચીલઝડપની સમગ્ર ઘટના સીસીટીવીમાં કેદ થઈ છે. રણછોડ લખાણીએ કાપોદ્રા પોલીસમાં ફરિયાદ નોંધાવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.