હવેથી કોરોનાની કોલર ટ્યુનમાં ઘરે-ઘરે સંભળાશે આ દિગ્ગજ અભિનેતાનો અવાજ  

કોરોના મહામારીમાં તમામ લોકોને જાગૃત કરવા માટે સરકાર દ્વારા કોલર ટ્યુન બહાર પાડવામાં આવી છે. છેલ્લા 6 માસથી કોરોનાની કોલર ટ્યુનને લીધે ઘણા લોકો પરેશાન થઈ ચૂક્યા છે. એકનો એક અવાજ સાંભળીને કંટાળેલ લોકો માટે હજુ કોરોના કોલર ટ્યુનથી મુક્તિ મળશે નહીં.

હવે કોરોના કોલર ટ્યુનમાં મહિલા જસલીન ભલ્લાની જગ્યાએ હવે સદીના મહાનાયક અમિતાભ બચ્ચનનો અવાજ સાંભળવા મળશે. જો કે, અમિતાભ બચ્ચનના અવાજવાળી કોલર ટ્યુન હજુ થોડા નંબર પર સાંભળવા મળતી નથી પરંતુ હવે ટૂંક સમયમાં જ બિગ-બીના ભારે તથા દમદાર અવાજમાં કોરોનાની કોલર ટ્યુન સાંભળવા મળશે.

અંદાજે 6 મહિના પછી કોરોનાની કોલર ટ્યુન બદલી દેવામાં આવી છે. અત્યાર સુધી તમે જસલીન ભલ્લાના અવાજમાં કોરોના કોલર ટ્યુન સાંભળતા આવ્યા છો પરંતુ હવે આ જવાબદારી કોરોનાને માત આપનાર અમિતાભ બચ્ચનને આપવામાં આવી છે.

આટલું જ નહીં પણ હવે કોરોના કોલર ટ્યુનમાં સંભળાતા મેસેજને પણ બદલી દેવામાં આવ્યો છે. હવે સદીના મહાનાયક અમિતાભ બચ્ચન કોરોનાને લઈ લોકોને જાગૃત કરશે. અમિતાભ બચ્ચનના અવાજમાં નવી કોલર ટ્યુનમાં આ મેસેજ સંભળાશે- “નમસ્કાર, આજે સમગ્ર કોવિડ 19ની મહામારીનો સામનો કરી રહ્યું છે.