November 20, 2024
ઈન્ટરનેટ પર આજકાલ એક વિડીયો વાઈરલ થઈ રહ્યો છે કે જેમાં જોવા મળી રહ્યું છે કે એક ડૉક્ટર દર્દીના કાનમાંથી જીવતું પતંગિયું કાઢી રહ્યા છે. કાનમાં ઘૂસી ગયેલું જીવતું પતંગિયું નીકાળવા માટે ડૉક્ટરે સ્પેશિયલ કેમેરાવાળી કાતરનો ઉપયોગ કર્યો છે. વિડીયોમાં જોવા મળી રહ્યું છે કે કેમેરાની મદદથી જીવતું પતંગિયું નીકાળવાની સમગ્ર પ્રક્રિયા સામે સ્ક્રીન પર જોવા મળી રહી છે.
આ વિયેતનામની એક હોસ્પિટલનો એક કિસ્સો છે. અહીં ડૉક્ટર ટુઆનના જણાવ્યા અનુસાર થોડા દિવસો પહેલા તેમના ત્યાં એક દર્દી આવ્યા કે જેના કાનમાં સતત દુ:ખાવો થઈ રહ્યો હતો. ડૉક્ટરને એવું લાગ્યું કે દર્દીના કાનમાં કોઈ જીવડું ઘૂસી ગયું હોવું જોઈએ. ડૉક્ટરે જ્યારે દર્દીના કાનમાં કેમેરા નાખ્યો તો જોવા મળ્યું કે કાનમાં એક જીવતું પતંગિયું છે. ત્યારબાદ ડૉક્ટરે સફળતાપૂર્વક આ પતંગિયું કાનમાંથી બહાર કાઢ્યું.
Trending News
જો કોઈના પણ કાનમાં આ રીતે જીવતું જીવડું ઘૂસી જાય તો તે તાત્કાલિક બહાર નીકાળવું જરૂરી છે કારણકે તેનાથી કાનના પડદાને નુક્સાન પહોંચી શકે છે. જો જીવડું કાનમાં જ મરી જાય તો ઈન્ફેક્શન થઈ શકે છે. જો કાનમાં દુ:ખાવો ઉપડે તો તાત્કાલિક ડૉક્ટર પાસે જવું જોઈએ. કાનમાં અન્ય સાધનો જેવા કે દીવાસળીની અથવા લાકડાની સળી નાખવી જોઈએ નહીં.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.