ખેડૂતોનો ભારે હલ્લાબોલ: પ્રદર્શન માટે જંતર-મંતર પહોંચ્યા, ખેડૂત નેતા રાકેશ ટીકૈતે આપ્યું ચોંકાવનારૂ નિવેદન

કેન્દ્ર સરકારના ત્રણ નવા કૃષિ કાયદાઓનો વિરોધ કરી રહેલા ખેડુતો આજે (22 જુલાઇ) થી જંતર-મંતર ખાતે ભારે સુરક્ષાની વચ્ચે આંદોલન જંતર-મંતર ઉપર ખેડુતો પહોંચી ચુક્યા છે. દિલ્હી પોલીસે કહ્યું કે 200 જેટલા ખેડુતોનું એક જૂથ પોલીસ સુરક્ષા સાથેની બસોમાં સિંઘુ બોર્ડરથી જંતર મંતર પર આવશે અને સવારે 11 થી સાંજના 5 સુધી વિરોધ પ્રદર્શન કરશે.

કૃષિ મંત્રી નરેન્દ્રસિંહ તોમરે વિરોધ કરી રહેલા ખેડૂતોને વાટાઘાટો માટે આગળ આવવા અપીલ કરી હતી. નરેન્દ્રસિંહ તોમારે કહ્યું, ‘અમારી 11 મી વખત વાતચીત થઈ છે. હવે ખેડુતોએ નક્કી કરવાનું છે કે તેઓ કયો રસ્તો અપનાવવા માંગે છે. વિરોધીઓને અપીલ કરો કે કઈ રીત શોધી કાઢવી તે જણાવો અને વાટાઘાટો માટે આગળ આવો. આ સાથે તેમણે કહ્યું કે દેશભરના ખેડુતો કૃષિ કાયદાની સાથે છે.

ખેડૂતોના મુદ્દે લોકસભામાં વિપક્ષનો હોબાળો ચાલુ જ છે. કોંગ્રેસના તમામ સાંસદો, ટીએમસી, એસપી, બસપા, ડીએમકે અને અકાલીએ ખેડૂતોના મુદ્દે ચર્ચાની માંગ કરી હતી. ટીએમસીના અભિષેક બેનર્જી પણ લોકસભામાં પહોંચ્યા હતા. જાસૂસીના મુદ્દે ખેડૂતોની સાથે લોકસભામાં પણ હંગામો મચ્યો છે.

કોંગ્રેસના નેતા મલ્લિકાર્જુન ખાર્ગે કહ્યું કે અમે જંતર-મંતર ખાતે કૃષિ કાયદાઓ વિરુદ્ધ ખેડુતો દ્વારા ચાલી રહેલા વિરોધને લઈને સાંસદમાં ખેડૂતોના પ્રશ્નો ઉઠાવી રહ્યા છીએ. ખેડૂત અમારી કરોડરજ્જુ છે. આપણે ખેડૂતો વિના રહી શકતા નથી. જેથી અવાજ ઉઠાવવાની જરૂર છે અને અમે અવાજ ઉઠાવીશું.