November 24, 2024
દિલ્હીની બોર્ડર(Delhi Border) પર ખેડૂતોનું આંદોલન(Farmers Agitation) ટૂંક સમયમાં સમાપ્ત થઈ શકે છે. અહેવાલ છે કે સરકારે ખેડૂતોને ઔપચારિક પત્ર મોકલ્યો છે, જેમાં તમામ મુખ્ય માંગણીઓ સ્વીકારવામાં આવી છે. સરકારે ખેડૂતો સામેના કેસ(Cases Against Farmers) પાછા ખેંચવાની માંગ સ્વીકારી છે. ઉપરાંત, પરસળ સળગાવવા માટે કોઈ ફોજદારી કેસ નોંધવામાં આવશે નહીં. આ ઉપરાંત આંદોલન દરમિયાન માર્યા ગયેલા તમામ ખેડૂતોના પરિવારજનોને વળતર આપવામાં આવશે. પંજાબ, ઉત્તર પ્રદેશ અને હરિયાણા સરકાર મૃતક ખેડૂતોના પરિવારજનોને વળતર અને નોકરીની જાહેરાત કરી ચૂકી છે.
અહેવાલ છે કે સરકાર તરફથી ઔપચારિક પત્ર મળ્યા પછી, ખેડૂતો સંપૂર્ણપણે સંતુષ્ટ છે અને ટૂંક સમયમાં આંદોલન સમાપ્ત કરવાની જાહેરાત કરી શકે છે. ખેડૂત નેતા અશોક ધવલેએ કહ્યું કે, સરકાર તરફથી સત્તાવાર પત્ર મળ્યો છે. આ પત્ર સંયુક્ત કિસાન મોરચાની બેઠકમાં મૂકવામાં આવશે. તેમણે જણાવ્યું કે આ પત્ર હજુ સુધી ખોલવામાં આવ્યો નથી. અગાઉ સરકારે સાદા કાગળ પર ખેડૂતોને દરખાસ્ત મોકલી હતી.
બુધવારે પાંચ વરિષ્ઠ ખેડૂત નેતાઓએ સરકાર દ્વારા આપવામાં આવેલી નવી દરખાસ્તો અંગે ચર્ચા કરી હતી. જેમાં હજારો ખેડૂતો સામે નોંધાયેલા પોલીસ કેસ તાત્કાલિક પરત ખેંચવાની બાબતનો સમાવેશ થાય છે. સરકારે મંગળવારે સાંજે ખેડૂતોને એક પ્રસ્તાવ પણ મોકલ્યો હતો, જેમાં લઘુત્તમ ટેકાના ભાવની માંગણી માટે એક સમિતિની રચના કરવાની ખાતરી આપવામાં આવી હતી. જો કે, આ પછી ખેડૂતો સતત આંદોલન દરમિયાન નોંધાયેલ પોલીસ કેસ પાછો ખેંચવાની માંગ કરી રહ્યા હતા.
Trending News
ખેડૂતોએ આ માંગણીઓ કરી હતી:
ત્રણ કૃષિ કાયદા રદ થયા બાદ પણ ખેડૂતોએ સરકાર સમક્ષ નવી માંગણીઓ મૂકી હતી. આમાં તમામ રાજ્યો અને કેન્દ્રશાસિત પ્રદેશોમાં આંદોલન દરમિયાન ખેડૂતો પર નોંધાયેલા તમામ કેસ પાછા ખેંચવા, આંદોલન દરમિયાન જીવ ગુમાવનારા ખેડૂતોના પરિવારોને વળતર, પરસળ સળગાવવા માટે કોઈ ફોજદારી કેસ નોંધાયેલ નથી, વીજળી સુધારા બિલ પર ચર્ચાનો સમાવેશ થાય છે.
આ ઉપરાંત, ખેડૂતોએ લઘુત્તમ ટેકાના ભાવની ચર્ચા કરવા માટે એક સમિતિની રચના કરવાની માંગ કરી હતી, જેના સભ્યો એસકેએમ દ્વારા ચૂંટવામાં આવશે. તેની સાથે જ MSP ચાલુ રહેશે. પંજાબની જેમ હરિયાણા અને ઉત્તર પ્રદેશ સરકારોએ મૃતક ખેડૂતોના પરિવારજનોને રૂ.5 લાખ વળતર અને નોકરી આપવાનું વચન આપ્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.