શું તમે જાણો છો, કે લગ્ન જીવનમાં પતિ-પત્ની સાથે ઝઘડો કરવાના પણ છે આવા ફાયદા ?

દુનિયામાં કોઈ પણ સબંધ એવો નથી કે તેમાં ઝઘડો ના હોય. દરેક સબંધમાં ઝઘડો તો થાય છે. પરંતુ શું તમે જાણો છો કે ઝઘડો થવાના પણ આવા ફાયદા છે ?

દુનિયાનું કોઈ એવું લગ્નન જોડું નહિ હોય,કે જેમની વચ્ચે મતભેદ ન હોય કે તેમની વચ્ચે નાનીનાની વાતે ઝગડા ન થતાં હોય. છતાંય આ સંબંધની બ્યુટી એ કે અનેક મતભેદો હોવા છતાં આ સંબંધમાં બે માણસો એકબીજા સાથે પ્રેમથી જીવે છે. રિસર્ચ અને આપણી આસપાસ પડેલા ઢગલેબંધ ઉદાહરણો તો એમ કહે છે કે પતિ-પત્ની વચ્ચે સમયાંતરે થતી નોકજોક અને તેમના નાનાં-મોટા મતભેદો જ તેમને એકબીજાની વધુ નજીક લાવે છે અને તેમનો પ્રેમ વધારે છે.

બીજી તરફ તાજેતરમાં એક એવું પણ તારણ સામે આવ્યું છે કે નાનીનાની વાતોએ ઝગડા કરનારા પતિ-પત્નીઓની ઉંમરમાં પણ વધારો થતો હોય છે. જોકે એક વાત અહીં સ્પષ્ટ કરવી રહી કે અહીં ઝગડા એટલે એકબીજા પર આચરવામાં આવતી હિંસા કે ડોમેસ્ટિક વાયોલન્સ નહીં. પરંતુ એકબીજાના ગમા-અણગમાને લીધે પતિ-પત્ની વચ્ચે થતી સામાન્ય નોકજોક.